سۇندەت بايعوجين يتاليا ساحناسىندا ونەر كورسەتتى

نۇر- سۇلتان. قازاقپارات - قازاقستاندىق وپەرا ءانشىسى سۇندەت بايعوجين يتاليا ساحناسىندا ونەر كورسەتتى، دەپ حابارلايدى قازاقپارات.

مىسىر، رۋمىنيا، ا ق ش سىندى الەمنىڭ ۇزدىك انشىلەرى «مادام باتتەرفلياي» قويىلىمىن يتاليالىق كورەرمەنگە ۇسىنعان بولاتىن. ولاردىڭ اراسىندا قازاقستاندىڭ وپەرا ءانشى سۇندەت بايعوجين بار. «مادام باتتەرفلياي» قويىلىمىن العاش رەت ساحنالاپ وتىرعانىمىز جوق. بۇرىن «استانا وپەرادا» كورەرمەنگە ۇسىنعان بولاتىنبىز. دەسەك تە، بۇل جولى جاڭاشىلدىق ەنگىزدىك. قويىلىمنىڭ ديريجەرى دجۋزەپپە اكۆاۆيۆا، رەجيسسەرى لورەنتسو اماتو سىندى ونەر ساڭىلاقتارى.

«حور جەرگىلىكتى «Carlo Felice» تەاترىنىڭ انشىلەرىنەن قۇرالدى. الەمنىڭ تۇپكىر- تۇپكىرىنەن كەلگەن ورىنداۋشىلارمەن بىرگە دايىندىق جۇرگىزىپ، ونەر سۇيەر قاۋىمنىڭ قوشەمەتىنە بولەندىك. ەل اماناتى ءارقاشان ەرگە قانات. ماعان جۇكتەلگەن اماناتتى ابىرويمەن ورىنداعانىما قۋانىشتىمىن» ، - دەپ وي قوستى سۇندەت بايعوجين.

قازاقستاندىق وپەرا ءانشىسى بىرنەشە جىل بۇرىن ءدال وسى ساحنادا يتالياندىقتارعا ۇلتتىق ناقىشتاعى تۋىندىلارىمىزدى ۇسىنىپ، «اباي» وپەراسىن قازاق تىلىندە قويعان بولاتىن.

 «بولاشاقتا «Carlo Felice» تەاتىرىمەن بىرلەسكەن جوبالاردى جالعاستىرماق نيەتتەمىن. كەلەر جىلى «سيەۆيل شاشتارازى» قويىلىمىن جاڭاشا ۇلگىدە كورەرمەنگە ۇسىنۋ جوسپارلانىپ وتىر. مۇمكىن فيگارونىڭ پارتياسىن ورىنداپ قالارمىز.. .» ، - دەدى ءانشى الداعى جوسپارلارىمەن ءبولىسىپ.

ەستەرىڭىزگە سالا كەتەيىك، سۇندەت بايعوجين ءبىر اي كولەمىندە يتاليانىڭ «Carlo Felice» تەاتىرىندا ونەر كورسەتىپ، تاياۋدا ەلگە ورالدى. ەندى «استانا وپەرا» تەاتىرىنىڭ ساحناسىندا ەل كورەرمەندەرىنە جاڭا پرەمەرالار ۇسىنباق.