+7 (701) 759 90 19
-20 °С : نۇر-سۇلتان
-7 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

پرەزيدەنتتىڭ نەسيەنى جابۋ تۋرالى جارلىعىن ەستىگەندە قۋانىشتان جىلادىم - ايگەرىم جولامانوۆا

26 ماۋسىم 19:04
:ءبولىسۋ
پرەزيدەنتتىڭ نەسيەنى جابۋ تۋرالى جارلىعىن ەستىگەندە قۋانىشتان جىلادىم - ايگەرىم جولامانوۆا

تالدىقورعان. قازاقپارات - قاسىم- جومارت توقايەۆتىڭ كوپبالالى انالار مەن مۇمكىندىگى شەكتەۋلى بالالارى بار جانداردىڭ نەسيەسىن جابۋ جونىندەگى جارلىققا قول قويعانىن ەستىگەندە قۋانىشتان جىلادىم.

پرەزيدەنتتىڭ شەشىمىن وتە باتىل قادام دەپ باعالاعان تالدىقورعاندىق ايگەرىم جولامانوۆا وسىلايشا اقجۇرەگىنەن اقتارىلدى، دەپ حابارلايدى قازاقپارات ءتىلشىسى.

ايگەرىم جولامانوۆا تۇڭعىشىنىڭ 1- توپتاعى مۇگەدەك ەكەنىن ايتادى. پاتەر جالداپ، تۇرمىس تاۋقىمەتىن تارتقان جان 2017 -جىلى 2 جىلعا نەسيە الىپ، ءبىر جىلدان كەيىن تولەي المادىم دەيدى. «كاسپي بانكتەن 1 ميلليون تەڭگە العانمىن. بالامنىڭ ەمىنە. ءبىر جىلىن تولەدىم. ارى قاراي تولەي المادىم. قازىر بانكتە قارا تىزىمدەمىن. جانىم ابدەن قينالىپ جۇرگەن بولاتىن. پرەزيدەنت كوپبالالى انالاردىڭ، مۇمكىندىگى شەكتەۋلى بالاسى بارلاردىڭ نەسيەسىن كەشىرۋ تۋرالى جارلىققا قول قويدى دەگەندى ەستىگەندە، قۋانىشتان جىلادىم. بۇل ءبىز سياقتى قينالىپ جۇرگەن جاندار ءۇشىن ۇلكەن كومەك. وسى كرەديتتىڭ كەسىرىنەن بار تاپقان تابىسىمىزدان ايىرىلامىز. تاپقان تابىسىمىزدى نەسيە تولەۋگە جۇمسايمىز. ەندى كرەديتىمىزدى كەشىرىپ جاتسا، بۇل قانشاما مىڭداعان وتباسى ءۇشىن ۇلكەن كومەك بولار ەدى. پرەزيدەنتتىڭ حالىقتىڭ جانىنا باتقان ماسەلەنى قولىنا العانى ءۇشىن العىمىسىز شەكسىز» ، - دەدى مۇگەدەك بالانىڭ اناسى ايگەرىم جولامانوۆا.

ايگەرىم جولامانوۆا 7 جىلدان بەرى پاتەر كەزەگىندە تۇرعانىن ايتادى. ءبىراق جەتى جىلدا كەزەگى 132 ادامعا عانا جىلجىدى دەپ قىنجىلادى. «ءۇي كەزەگىنە 666 بولىپ تىركەلدىم. جەتى جىلدا تەك 534-ورىنعا عانا جىلجىپتى. باسپانا قاشان بۇيىرادى بىلمەيمىن. ءبىراق ءۇمىتىمدى ۇزبەيمىن» ، - دەيدى 37 جاستاعى ايگەرىم.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات