18:10, 26 - ماۋسىم 2019 | GMT +6
حالىقارالىق «قازاقپارات» اگەنتتىگى قازاقستان پرەزيدەنتىنىڭ العىس حاتىن الدى
نۇر- سۇلتان. قازاقپارات - «قازاقپارات» حالىقارالىق اقپارات اگەنتتىگىنىڭ شىعارماشىلىق ۇجىمى قازاقستان پرەزيدەنتىنىڭ العىس حاتىمەن ماراپاتتالدى، دەپ حابارلايدى قازاقپارات ءتىلشىسى.
مەملەكەت باسشىسى قاسىم- جومارت توقايەۆ بۇگىن اقوردادا وتاندىق جۋرناليستيكانى دامىتۋعا قوسقان زور ۇلەسى ءۇشىن «قازاقپارات» حالىقارالىق اقپارات اگەنتتىگىنىڭ شىعارماشىلىق ۇجىمىن العىس حاتپەن ماراپاتتادى. قازاقستان پرەزيدەنتى العىس حاتىن اگەنتتىكتىڭ باس ديرەكتورى اسقار ۋماروۆقا تابىس ەتتى. ەسكە سالساق، بۇگىن اقوردادا مەملەكەت باسشىسى قاسىم- جومارت توقايەۆ ب ا ق وكىلدەرىنە ق ر پرەزيدەنتىنىڭ سىيلىقتارى مەن گرانتتارىن تابىس ەتىپ، العىستارىن جاريالاعاندىعى تۋرالى ايتقان بولاتىنبىز.