+7 (701) 759 90 19 Лента
16 °С : Нур-Султан
20 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

كىمدەردىڭ كرەديتتەرى وتەلەدى - ق ر پرەزيدەنتىنىڭ جارلىعىنا تۇسىنىكتەمە بەرىلدى

26 ماۋسىم 17:51 293
:ءبولىسۋ
كىمدەردىڭ كرەديتتەرى وتەلەدى - ق ر پرەزيدەنتىنىڭ جارلىعىنا تۇسىنىكتەمە بەرىلدى

نۇر- سۇلتان. قازاقپرات - قازاقستان رەسپۋبليكاسى پرەزيدەنتىنىڭ 2019 -جىلعى 26 - ماۋسىمداعى «قازاقستان رەسپۋبليكاسى ازاماتتارىنىڭ بورىش جۇكتەمەسىن ازايتۋ تۋرالى» №34 جارلىعىنا تۇسىنىكتەمە بەرىلدى، دەپ حابارلايدى قازاقپارات اقورداعا سىلتەمە جاساپ.

پرەزيدەنتتىك ناۋقان كەزىندە مەملەكەت باسشىسى قاسىم- جومارت توقايەۆ ساباقتاستىق نەگىزىندە ەلباسىنىڭ ستراتەگياسىن جۇزەگە اسىرۋ ءىسىن جالعاستىرۋعا، سونىڭ ىشىندە اسا وزەكتى الەۋمەتتىك ماسەلەلەردى شەشۋگە ۋادە بەردى. پرەزيدەنتتىڭ اتىنا كەپىلسىز تۇتىنۋ نەسيەلەرىن تولەۋگە قاتىستى ازاماتتاردان كوپتەگەن وتىنىشتەر كەلىپ تۇسۋدە. بۇگىندە ەلىمىزدەگى الەۋمەتتىك تۇرمىسى تومەن توپتاعى ازاماتتار (كوپبالالى وتباسىلار، مۇگەدەك بالالارى بار وتباسىلار، جالعىز اسىراۋشىسىنان ايرىلعان وتباسىلار، اتاۋلى الەۋمەتتىك كومەك الاتىندار، جەتىم بالالار) ءتۇرلى سەبەپتەرمەن قيىن جاعدايعا تاپ بولىپ، ءوز اتتارىنا العان نەسيەلىك مىندەتتەمەلەرىن ورىنداي الماي وتىر. كوپتەگەن ازاماتتاردىڭ نەسيەلىك جۇكتەمەسى وسۋدە، تازا تابىس كولەمى تومەندەۋدە. ادامدار ءوز نەسيەلەرىن وتەۋدىڭ جولدارىن تابا الماي وتىر. بۇل ماسەلە 500 مىڭعا جۋىق نەسيە الۋشىنىڭ تۇرمىسىنا تىكەلەي اسەر ەتۋدە. نەسيەلەردىڭ %86 ىنان استامىنىڭ مولشەرى 1 ميلليون تەڭگەدەن اسپايدى. قارىزداردىڭ ورتاشا مولشەرى - شامامەن 300 مىڭ تەڭگە.

مەملەكەت باسشىسى رەتىندە قاسىم- جومارت توقايەۆ قارىزعا باتقان ازاماتتارىمىزدىڭ جاعدايىنا بەي- جاي قاراي المايتىنىن ايتتى. سوندىقتان، پرەزيدەنت بۇرىن- سوڭدى بولماعان تەڭدەسسىز الەۋمەتتىك كومەك كورسەتۋ تۋرالى شەشىم قابىلدادى. ءتيىستى جارلىققا قول قويىلدى. باستى ماقسات - قيىن جاعدايعا تاپ بولعان ازاماتتارعا كومەكتەسۋ، ولارعا وزدەرىنىڭ وتباسىلارىنىڭ قارجىلىق احۋالىن ايتارلىقتاي جاقسارتۋعا مۇمكىندىك بەرۋ. وكىمدە ۇكىمەتكە جانە ۇلتتىق بانككە ءبىر رەتتىك اكسيا رەتىندە كەلەسى شارالاردى قابىلداۋ تاپسىرىلعان. تىكەلەي جانە اتاۋلى قارجىلاي كومەك رەتىندە جوعارىدا اتالعان ساناتتاعى ازاماتتار ءۇشىن مەملەكەت ەكىنشى دەڭگەيلى بانكتەر مەن شاعىن قارجى ۇيىمدارىنان الىنعان جالپى مولشەرى 300 مىڭ تەڭگەگە دەيىن نەگىزگى نەسيەنى جانە وعان ەسەپتەلگەن سىياقىنى وتەيدى. بۇدان بولەك، ولاردىڭ بيىلعى 1 - ماۋسىمعا دەيىنگى قارىزدارىنىڭ جالپى كولەمى 3 ميلليون تەڭگەدەن اسپاۋى ءتيىس. نەسيە العانداردىڭ %55 ى، ياعني 250 مىڭ ادام ءۇشىن بۇل نەگىزگى نەسيە مەن سىياقىنى قوسا العاندا جالپى قارىز كولەمىن تۇتاستاي تولەۋ دەگەندى بىلدىرەدى. قالعان نەسيە العان ازاماتتاردىڭ قارىزدارى 300 مىڭ تەڭگە مولشەرىندە وتەلەدى. بۇل ولاردىڭ تولەۋ قابىلەتتىلىگىن قالپىنا كەلتىرۋگە جانە قارىز جۇكتەمەسىن تومەندەتۋگە ايتارلىقتاي سەپتىگىن تيگىزەدى.

 2019 -جىلدىڭ 1 - شىلدەسىندەگى مالىمەت بويىنشا بانكتەردە جانە شاعىن قارجى ۇيىمدارىندا كەپىلسىز تۇتىنۋ قارىزدارى بار بارلىق ازاماتتار ءۇشىن ەسەپتەلگەن ايىپپۇلدار مەن تولەماقى وسىمدەرى ەسەپتەن شىعارىلادى. نەسيە الۋشىلاردىڭ اتالعان تولەمدەرىن ەسەپتەن شىعارۋ، ەڭ الدىمەن، ەكىنشى دەڭگەيدەگى بانكتەر مەن شاعىن قارجى ۇيىمدارىنىڭ ەسەبىنەن جۇرگىزىلەدى. سونىمەن قاتار، نەسيە بەرۋگە، نەسيەگە قاتىستى قىزمەت كورسەتۋگە جانە جەكە تۇلعالاردىڭ 90 كۇننەن استام مەرزىمى وتكەن بارلىق كەپىلسىز قارىزدارىنا بايلانىستى ايىپاقى، كوميسسيا جانە وزگە دە تولەمدەر ەسەپتەۋگە تىيىم سالىنادى. تۇتىنۋ نەسيەلەرىنە قاتىستى قالىپتاسىپ وتىرعان جاعداي قايتالانباۋى ءتيىس. بۇل - پرەزيدەنتتىڭ ۇستانىمى.

مەملەكەت باسشىسىنىڭ تاپسىرماسى بويىنشا مۇنداي احۋالدىڭ الدىن الۋ ماقساتىندا ۇلتتىق بانك رەتتەۋ سيپاتىنداعى قاتاڭ شارالار قابىلداپ، شەكتەن تىس تاۋەكەلگە بارعانى ءۇشىن قارجى ۇيىمدارىنا جۇكتەلەتىن جاۋاپكەرشىلىكتى كۇشەيتۋى ءتيىس. قارجىلىق احۋالىن ودان ءارى ناشارلاتپاۋ ءۇشىن تابىسى ەڭ تومەنگى كۇنكورىس دەڭگەيىندەگى ازاماتتارعا زايمدار بەرۋگە تىيىم سالىناتىن بولادى. ۇلتتىق بانك كەپىلسىز تۇتىنۋ زايمدارىن بەرۋ كەزىندە قوسىمشا رەتتەۋ شارالارىن قابىلدايدى. ولاردىڭ ىشىندە - زايم الۋشىنىڭ جالپى قارىزدىق كوەففيتسيەنتى، بانكتەردىڭ جەكە كاپيتالىنا دەگەن قوسىمشا تالاپتار جانە باسقالار. مەملەكەت باسشىسى جوعارىدا اتالعان شۇعىل شارالار الەۋمەتتىك ماسەلەلەردى شەشۋگە جانە ەلباسى ستراتەگياسىندا ايقىندالعان ماقساتتارعا قول جەتكىزۋگە ايتارلىقتاي ىقپال ەتەتىنىنە سەنىم ءبىلدىردى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
Кожакелдиев Е.
Кожакелдиев Е.
954-049
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات