جۋرناليستەرگە پرەزيدەنت سىيلىعى مەن گرانتى تابىستالدى

نۇر- سۇلتان. قازاقپارات - بۇگىن اقوردادا مەملەكەت باسشىسى قاسىم- جومارت توقايەۆ ب ا ق وكىلدەرىنە ق ر پرەزيدەنتىنىڭ سىيلىقتارى مەن گرانتتارىن تابىس ەتىپ، العىستارىن جاريا ەتتى، دەپ حابارلايدى قازاقپارات ءتىلشىسى.

"بولاشاقتى ساياساتكەرلەر، وتكەندى تاريحشىلار، ال بۇگىنگىنى جۋرناليستەر ويلايدى دەگەن قاعيدا بار. ءبىراق، مەنىڭشە، جۋرناليستەر بولاشاقتى دا، وتكەندى دە ويلايتىن بىرەگەي قاۋىم دەپ ايتۋعا بولادى. حالىققا ەل ىشىندەگى وقيعالار جونىندە حابار تاراتىپ، شۇعىل ءارى شىنايى اقپارات بەرۋ سىزدەردىڭ كاسىبي مىندەتتەرىڭىزدىڭ ارقاسى"، - دەپ اتاپ ءوتتى قاسىم- جومارت توقايەۆ جەڭىمپازداردى ماراتتاۋ راسىمىندە.

 سونىمەن بيىل مەملەكەت باسشىسىنىڭ وكىمىمەن پرەزيدەنت سىيلىعى "جاس وركەن" ج ش س- نىڭ باس ديرەكتورى جۇسىپبەك قورعاسبەككە، "كومسومولسكايا پراۆدا - كازاحستان" گازەتىنىڭ باس رەداكتورى ۆيكتور كيانيتسكە، "انا ءتىلى" گازەتىنىڭ باس رەداكتورى جاناربەك ءاشىمجانعا، "استانا" تەلەارناسىنىڭ رەداكتورى جاينا جاقسىلىقوۆاعا بەرىلدى. ال پرەزيدەنت گرانتتارى "حابار 24" تەلەارناسىنىڭ ءتىلشىسى راۋان مىڭبايەۆقا، "قازاقستان" تەلەارناسى "ماسەلە" ساراپتامالىق باعدارلاماسىنىڭ جۇرگىزۋشىسى نارتاي سارسەنعاليەۆكە، "قازاقستان" ت ر ك ماڭعىستاۋ وبلىستىق فيليالىنىڭ شەف- رەداكتورى اسەم سارتبايەۆاعا تابىستالدى. سونداي- اق پرەزيدەنت العىس حاتتارى "قازاقپارات" ح ا ا مەن "جەتىسۋ" تەلەارناسىنىڭ ۇجىمىنا، "ايقىن" گازەتىنىڭ باس رەداكتورى نۇرتورە جۇسىپكە، "حابار" تەلەارناسىنىڭ شەف رەداكتورى الەكساندر ترۋحاچيەۆكە، "قازاقستان" تەلەارناسىنىڭ جۇرگىزۋشىسى قىمبات دوسجان مەن دانا نۇرجىگىتكە، "حابار 24" شەف رەداكتورى شالقار قوجايەۆقا، "قازاقستان" تەلەارناسىنىڭ ديرەكتسيا ديرەكتورى ەرلان اتامبايعا، "ليتەر" گازەتى باس رەداكتورىنىڭ ورىنباسارى جاننا ويشىبايەۆاعا، "ك ت ك" تەلەارناسىنىڭ باس ديرەكتورى ەلميرا جاميلوۆاعا بەرىلدى.