+7 (701) 759 90 19 Лента
16 °С : Нур-Султан
21 °С : الماتى
USD 383.98 EUR 430.63
RUB 6.11 CNY 55.83
جاڭالىقتار

قازاقتا كەرەمەت مەيىرىمدى جاندار بارىن سوندا كوردىم - ارىستاعى جارىلىستا جاس انانى بوساندىرعان اكۋشەر

27 ماۋسىم 09:30 1294
:ءبولىسۋ
قازاقتا كەرەمەت مەيىرىمدى جاندار بارىن سوندا كوردىم - ارىستاعى جارىلىستا جاس انانى بوساندىرعان اكۋشەر

نۇر- سۇلتان. قازاقپارات - ارىستا جارىلىس بولاتىن كۇنى جاس انانى بوساندىرعان اكۋشەر ناعيما زورىمبايەۆا قازاقپارات تىلشىسىنە وقيعانىڭ قالاي بولعانىن ايتىپ بەردى.

«دۇيسەنبى كۇنى كەزەكشىلىككە تۇسكەن كەزىم. كەنجە دەگەن كەلىنشەك ساعات سەگىزگە تاياۋ بوسانۋ بولىمىنە تولعاقپەن ءتۇستى. ماڭاي تىپ- تىنىش، كۇندەلىكتى ءومىرىمىزدىڭ ءبىر كۇنى ەدى. بۇل ايەلدىڭ ەكىنشى رەت بوسانۋى ەكەن. بولىمشە جەتەكشىسى ناعيما ءتالىپوۆا ەكەۋمىز ول ايەلدى تولىق تەكسەرىپ، ازداپ تولعاتاتىنىن، 2-3 ساعاتتان كەيىن بوساناتىنىن ايتتىق. ءبىر ۋاقىتتا ارىپتەستەرىم اسكەري ءبولىم جاقتان وت شىعىپ جاتقان سەكىلدى دەي باستادى. كوپ ءمان بەرە قويمادىق. ءورت شىقسا سونەر دەپ ويلادىم. اياق استىنان ساعات 09.20 كەتكەن كەزدە جارىلىس «گۇرس» ەتە قالىپ، تولعاتىپ جاتقان ايەلدىڭ پالاتاسىنىڭ ەسىگى ۇشىپ ءتۇستى. اينەك سىندى. جەر سىلكىنگەندەي عيماراتىمىز ەكى- ءۇش رەت ىرعالا قوزعالىپ، ابدىراپ قالدىق» ، - دەيدى ناعيما زورىمبايەۆا.

 اكۋشەردىڭ ايتۋىنشا، ءبىر ساتكە ءبارى تىپ- تىنىش بولا قالعانىمەن، كوپ وتپەي جارىلىس بىرىنەن- ءبىرى قايتالانىپ، اسپاندى كوك ءتۇتىن الىپ كەتكەن.

 «دالاعا شىعامىز دەپ، ءبارىمىز شۋلاسىپ قالدىق. اركىم ءوزىنىڭ بولىمشەسىنە جۇگىردى. مەن بىردەن مىنا ايەلگە عانا جاۋاپتى بولايىن دەدىم دە، بۇكىل قاجەتتى نارسەنى الىپ، ءبىر سانيتار قىزدى ەرتىپ دالاعا قاشا جونەلدىك. ايقاي- شۋ. قانشاما ايەل بوسانىپ جاتقاندىقتان، ناعيما ءتالىپوۆا اۋرۋحانادا قالىپ قويدى. سانيتار ەكەۋمىز ايەلدى ۇستاعان كۇيى اشىق الاڭعا قاشتىق. كەرەك- جاراعىمىزدى الا كەتكەن بولاتىنبىز» ، - دەيدى ول. جارىلىستان قاشقان حالىقتىڭ ءبارى قىردىڭ باسىنا شىقپاققا بيىككە ۇمتىلىپتى.

 «سناريادتاردىڭ داۋىسىن ەستىدىڭىز بە، جوق پا بىلمەيمىن - ىسقىرىپ كەپ جىبەرگەندە باسىڭا ءتونىپ كەلە جاتقانداي ۇلكەن ۇرەي تۋدىرادى ەكەن. ىسقىرىپ قالعاندا جاتا قالامىز. قورىققانىمىز سونشالىقتى، قانشا شاقىرىمعا قاشقانىمىز ەسىمدە جوق. بەس شاقىرىمداي باسىپ وتتىك قوي دەيمىن. سانيتار قىز ەكەۋمىز جەتەكتەپ كەلە جاتىرمىز. اندا- ساندا سۋ ىشكىزەمىز. تولعاعى قىسىپ بارادى. كولىكتەردىڭ ءبىرىن توقتاتۋ كەرەك بولدى. ءبىر اسكەري جىگىت توقتاپ، ۇشەۋىمىز كولىگىنە ءمىنىپ الدىق. الگى جىگىت «جۇمىس جاعىما كەتەم. ءوزىم وتتان شىعىپ تۇرمىن» دەدى. اپتەچكالارىن الىپ قالدىق. قاراسام، الگى اسكەري جىگىتتىڭ بەتى كۇيىپ قاپتى. ءبىرشاما جەتكىزىپ تاستاعاننان كەيىن ول بۇرىلدى دا وتقا ورانعان قالاعا قايتا تارتتى. جولدا تاعى «نيۆا» كولىگىن توقتاتتىق. سانيتار قىز سىيماي قالىپ كەتىپ، ءبىر شەتكە اكەپ تاستادى. الگى «نيۆانىڭ» بەنزينى تاۋسىلدى» ، - دەيدى اكۋشەر.

 وسىلاي، ەكى ساعات بويى ازاپ كورگەن كەنجە مەن ناعيما اقىرى ب ع م وكىلدەرى مىنگەن كولىككە كەزىگەدى. كولىكتىڭ ىشىندە ءبىر اجە، بىرنەشە بالا مەن مينيسترلىكتىڭ ءۇش وكىلى بولعان. ءبىرشاما جول جۇرگەننەن كەيىن كولىك ىشىندەگى اجە «مەن ارى بارمايمىن، ولسەم وسىندا ولەم، مىنا اياعى اۋىر ايەلدى قۇتقارىڭدار» دەپ قالىپ قويىپتى. مونتايتاس قايدا دەپ ىزدەپ كەلە جاتقان كولىك اقىرى قازىعۇرت اۋدانىنىڭ اقجار اۋىلىنا تىرەلگەن.

«ايەلدىڭ تولعاعى كۇشەيە باستادى. جۇرگىزۋشى دوسمۇحامبەت ءبىر ۇيگە توقتاپ، الگى ءۇيدىڭ وتاناسى گۇلميرا دەگەن اپاي ءبىر بولمە ءبولىپ بەردى. وتە جاقسى كىسىلەر ەكەن. بۇكىل جاعدايدى جاسادى. 12.58 مينۋت كەتكەندە قىز بالا دۇنيەگە كەلدى. قانشاما ۋاقىت كۇشەندى. مىنە، وسىنداي قيىندىقتى باسىپ ءوتىپ، جاس انا بوساندى. ودان كەيىن ءۇي يەسى جەدەل جاردەم كولىگىنە قوڭىراۋ شالىپ، كەنجەنى الىپ كەتتى. انا ءۇيدىڭ اپايى گۇلميرا كىشكەنتاي سابيگە بۇكىل كيىم- كەشەگىن دايىنداپ، پاكەتكە سالىپ بەردى. تاماعىن، شايىن دايىنداپ بەردى. قازاقتىڭ سونداي كەرەمەت جاقسى كىسىلەرى بارىن سوندا كوردىم» ، - دەيدى ناعيما.

 ناعيما ءتالىپوۆا ءوز ارەكەتىن ەرلىككە بالامايتىنىن ايتادى. «ءوزىمنىڭ مىندەتىم» دەيدى. قانشاما قيىندىققا قاراماستان، حالىق ءبىر- بىرىنە قولىنا قول ۇشىن سوزىپ، باسقا تۇسكەن قايعىنى بىرگە كوتەرىپ كەلەدى. ەسكە سالا كەتسەك، ءبىلىم جانە عىلىم ءمينيسترى اسحات ايماعامبەتوۆ ارىستاعى جارىلىس كەزىندە جاس انانى بوساندىرۋعا كومەكتەسكەن مۇعالىمدەردى ماراپاتتادى. شايزا دوسكەيەۆا، بالبوپە وتەنوۆا، جانات نۇرجۇمانوۆا - مينيسترلىكتىڭ اتىنان ءدال وسى ءۇش ءمۇعالىم ارىستا جارىلىس بولعان كەزدە مەكتەپتە ۇ ب ت- نىڭ اپەللياتسيا وتىرىسىن وتكىزىپ جاتقان بولاتىن.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات