+7 (701) 759 90 19
-3 °С : نۇر-سۇلتان
6 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

ەلباسىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى

26 ماۋسىم 16:14
:ءبولىسۋ
ەلباسىنىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى

نۇر-سۇلتان. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى، دەپ حابارلايدى ق ر تۇڭعىش پرەزيدەنتى - ەلباسىنىڭ باسپا ءسوز قىزمەتى.

جيىندا تۇركىستان وبلىسىنىڭ ارىس قالاسىنداعى قازىرگى احۋال جانە ەلىمىزدىڭ سۋ قاۋىپسىزدىگىن قامتاماسىز ەتۋ ماسەلەلەرى تالقىلاندى.

قاۋىپسىزدىك كەڭەسىنىڭ ءتوراعاسى ارىس قالاسىندا قازا بولعانداردىڭ تۋىستارى مەن جاقىندارىنا كوڭىل ايتتى، سونداي-اق جارىلىس سالدارىن جويۋعا اتسالىسىپ جاتقان بارلىق قۇزىرلى ورگان قىزمەتكەرلەرىنىڭ جانە ۆولونتەرلەردىڭ قاجىرلى ەڭبەگىن ەرەكشە اتاپ ءوتتى.

«سوڭعى اقپاراتقا سايكەس، زارداپ شەككەندەردىڭ سانى 160 تان استى. بارشا قازاقستاندىقتار بىرلىگىمىزدىڭ بەكەم ەكەنىن كورسەتىپ جاتقانىن اتاپ وتكىم كەلەدى. ەلىمىزدىڭ ءار تۇكپىرىنەن ازاماتتار الاڭداۋشىلىق بىلدىرۋدە، ءتۇرلى ۇيىمدار مەن كاسىپورىنداردىڭ جۇمىسكەرلەرى زارداپ شەككەندەرگە كومەك كورسەتۋ ءۇشىن بىرىگىپ جاتىر. ءبىر ءوڭىردىڭ باسىنا تۇسكەن قيىنشىلىق - بارىمىزگە ورتاق ماسەلە. ءبىز حالقىمىزدىڭ ىنتىماعىنىڭ ارقاسىندا بارلىق قيىندىقتى ەڭسەرەمىز. بارشا قازاقستاندىقتارعا ريزاشىلىعىمدى بىلدىرەمىن»، - دەدى ەلباسى.

نۇرسۇلتان نازاربايەۆ وڭىردە قالىپتى جاعدايدى تەزىرەك قالپىنا كەلتىرۋ جانە تۇرعىندارعا جان-جاقتى قولداۋ كورسەتۋ ءۇشىن مەملەكەت تاراپىنان بارلىق شارالار قولدانىلىپ جاتقانىن اتاپ ءوتتى.

سۋ قاۋىپسىزدىگىن قامتاماسىز ەتۋ ماسەلەسى بويىنشا ەلىمىزدەگى سۋ رەسۋرستارىنىڭ جانە سۋ شارۋاشىلىعى نىساندارىنىڭ جاي-كۇيى تالقىلاندى. سونداي-اق، تۇرعىندار ءۇشىن تازا اۋىز سۋدىڭ قولجەتىمدى بولۋىنا جانە سۋدى ۇنەمدەپ پايدالانۋ ماسەلەلەرىنە ەرەكشە نازار اۋدارىلدى.

وتىرىس قورىتىندىسى بويىنشا ارىس قالاسىندا جوندەۋ جۇمىستارىن جۇرگىزۋ جانە ازاماتتاردىڭ تۇرعىلىقتى جەرىنە ورالۋىن ۇيىمداستىرۋ جونىندە ناقتى تاپسىرمالار بەرىلدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
Мухамедиярова Жанара
Мухамедиярова Жанара
954-049

مۇراعات