ارىس تۇرعىندارىن قايتا قۇجاتتاندىرۋ باستالدى
قالاداعى ەۆاكۋاتسيالاۋ پۋنكتتەرىندە «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ماماندارى زارداپ شەككەندەرگە كەڭەس بەرىپ، مەملەكەتتىك قىزمەتتەردىڭ كورسەتىلۋىن قامتاماسىز ەتۋدە.
سونداي-اق، جەرگىلىكتى اتقارۋشى بيلىك ورگاندارىمەن بىرلەسىپ، قالادان قۇتقارىلعان جانە ەۆاكۋاتسيالاۋ ورىندارىنا جەتكىزىلگەن ادامداردىڭ ءتىزىمىن جاساۋعا جاردەمدەسۋدە.
بۇگىنگى تاڭدا بۇل جۇمىستار شىمكەنت قالاسىندا 15 جانە تۇركىستان وبلىسىنىڭ ورداباسى، سارىاعاش، قازىعۇرت، وتىرار، شاردارا اۋداندارى مەن ارىس ماڭىنداعى اۋىلدارى ءۇشىن 13 ەۆاكۋاتسيالاۋ ورنى جانىنان ارنايى اشىلعان پۋنكتەردە ۇيىمداستىرىلعان.
مەملەكەتتىك كورپوراتسيا قىزمەتكەرلەرى قاجەتتى مەملەكەتتىك قىزمەتتەردى كورسەتىپ، موبيلدى ح ق و جۇمىس ىستەۋدە. قىزمەتكەرلەر زارداپ شەككەندەرگە اقپاراتتىق انىقتامالاردى الىپ بەرىپ، قۇجاتتاردى قالپىنا كەلتىرۋ بويىنشا قاجەتتى قاعازداردى ازىرلەۋدە.
بۇل رەتتە تۇرعىنداردى قۇجاتتاندىرۋ بويىنشا ميگراتسيالىق قىزمەت باسقارماسىمەن جەدەل تۇردە ىقپالداسۋ شارالارى قولعا الىنعان.