+7 (701) 759 90 19
-12 °С : نۇر-سۇلتان
-3 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

ارىستاعى قويمادا راديواكتيۆتى وق-دارىلەر بولعان جوق - قورعانىس مينيسترلىگى

26 ماۋسىم 15:16
:ءبولىسۋ
ارىستاعى قويمادا راديواكتيۆتى وق-دارىلەر بولعان جوق - قورعانىس مينيسترلىگى

نۇر-سۇلتان. قازاقپارات - ارىستا جارىلعان قويمادا قانداي وق-دارىلەر ساقتالعانىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا قورعانىس ءمينيسترىنىڭ ورىنباسارى تيمۋر داندىبايەۆ ايتىپ بەردى، دەپ حابارلايدى قازاقپارات ءتىلشىسى.

«ارىستاعى قويمادا راديواكتيۆتى ەلەمەنتى بار وق-دارىلەر بولعان جوق. وندا زىمىراندى-ارتيللەريالىق قارۋلاردىڭ وق-دارىلەرى، ينجەنەرلىك وق-دارىلەر، سونىمەن بىرگە اتىس قارۋلارىنىڭ پاتروندارى، قول گراناتالارى، تانككە قارسى باسقارىلاتىن زىمىراندار، زەنيتتى باسقارىلاتىن زىمىراندار، ءارتۇرلى كاليبردەگى ستراتەگيالىق جۇيەلەرگە ارنالعان سناريادتار، پيروتەحنيكالىق زاتتار مەن ستراتەگيالىق كومپلەكتتى ەلەمەنتتەر بولعان. ول جەردە ەشقانداي راديواكتيۆتى ەلەمەنتتىڭ بولماعانىن حابارلايمىز»، - دەدى تيمۋر داندىبايەۆ.

ەسكە سالا كەتسەك، ارىس قالاسىنداعى اسكەري ءبولىمنىڭ قويماسىندا 24- ماۋسىم كۇنى تاڭەرتەڭ جارىلىس بولدى. بۇعان دەيىن ءۇش ادام قازا تاپتى. 170 كە جۋىق ادام زارداپ شەكتى. 20 عا جۋىق ءۇي، 9 قورا-قوپسى جانىپ، دالالى اۋماقتا 14 وشاق تۇتاندى. ءۇي- جايلار مەن عيماراتتاردىڭ 80-90 پايىزىنا ءارتۇرلى دەڭگەيدە زاقىم كەلدى.

ءبىرقاتار وڭىردە شۇعىل جەلىلەر قۇرىلدى. تۇركىستان وبلىسىنا ارنايى بارعان قازاقستان پرەزيدەنتى قاسىم-جومارت توقايەۆ ارىستاعى اسكەري بولىمشەدەگى وق-ءدارى قويماسىنداعى جارىلىستان زارداپ شەككەن قالا تۇرعىندارىمەن كەزدەسىپ، قالانىڭ قالپىنا كەلتىرىلەتىنىنە ۋادە بەردى.

سونداي-اق ەلباسى نۇرسۇلتان نازاربايەۆ ارىستاعى جاعدايعا الاڭداۋشىلىق ءبىلدىردى. بۇگىنگى ۇكىمەت وتىرىسىندا پرەمەر-مينيستر اسقار مامين جارىلىس سالدارىنان كوز جۇمعانداردىڭ تۋعان-تۋىستارىنا كوڭىل ايتىپ، تۇرعىندارعا بارلىق كومەك كورسەتىلەتىنىن ايتتى.

ەۆاكۋاتسيالاۋ كەزىندە مىڭنان استام اتا-انا بالارىنان كوز جازىپ قالدى. قازىرگى ۋاقىتتا ولاردىڭ بارلىعى دا بالالارىمەن قاۋىشتى، بارلىعى ءدىن-امان. فاكتى بويىنشا قىلمىستىق ءىس قوزعادى.

قالاداعى توتەنشە جاعداي جولاۋشىلار پويىزدارىنىڭ كەستەسىنە دە اسەر ەتتى. 25- ماۋسىم، ساعات 12:00 دەگى جاعداي بويىنشا اسكەري ءبولىم اۋماعىندا جارىلىستار توقتادى.

دەگەنمەن، وق-دارىلەر ساقتالاتىن قويمالاردىڭ اۋماعىندا بىقسىعان وتتىڭ وشاقتارى بايقالعاندىقتان، ق ر ىشكى ىستەر مينيسترلىگى جارىلىستاردىڭ قايتالانۋ قاۋپى ساقتالىپ وتىرعانىن ەسكەرتتى.

وسى ۋاقىتتا ق ر قورعانىس مينيسترلىگىنىڭ اسكەري-ينجەنەرلىك قىزمەتشىلەرى ارىس قالاسىن مينادان تازالاۋ جۇمىستارىن جۇرگىزىپ جاتىر. سناريادتاردىڭ دەنى تۇرعىن ءۇي القاپتارىنا تۇسكەن. ارىس تۇرعىندارىنا كومەك قولىن سوزۋ ماقساتىندا ەلىمىزدە «ارىس، ءبىز بىرگەمىز» اكسياسى باستاۋ الدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات