قازاقتىڭ ءبىر توپ انشىلەرى ارىسقا بارادى
اقتوتى رايىمقۇلوۆانىڭ ايتۋىنشا، ونەر قايراتكەرلەرى ەۆاكۋاتسيالانعان ارىستىقتارعا قولداۋ كورسەتپەك.
«ارىس، ءبىز بىرگەمىز» اكسياسىن ساكەن مايعازيەۆ، قىدىرالى بولمان، «جىگىتتەر» توبى، ەرنار ايدار، مايرا مۇحامەد قىزى، نۇرجامال ۇسەنبايەۆا، جەڭىس سەيدوللا ۇلى، ءمولدىر اۋەلبەكوۆا، بۇركىت، ايگەرىم قالاۋبايەۆا، قۇرماش ماحانوۆ، التىناي جورابايەۆا، اقبوتا كەرىمبەكوۆا، «زامان» توبى، جانبولات پەن جازيرا بايىربەكوۆتەر، قايرات ادىلگەرەي، جۇبانىش جەكسەن ۇلى، جانار دوعالوۆا، الىشەر كارىموۆ، ارمان دۇيسەنوۆ، مايرا يلياسوۆا، ايگۇل قوسانوۆا، نۇرلان البان، جانار ايجانوۆا، زارينا وماروۆا، بەيبىت كۇشقاليەۆ، امانجول التايەۆ، مۇحتار نيازوۆ، قايرات نۇرتاس، گۇلنۇر ورازىمبەتوۆا، سەرىك يبراگيموۆ، سپورت قايراتكەرلەرى ەرماحان ىبرايموۆ، باحتيار ارتايەۆ، سەرىك ساپيەۆ جانە باسقالار قولدادى»، - دەپ جازدى مينيستر ءوزىنىڭ facebook پاراقشاسىندا.
ءمينيستردىڭ مالىمەتىنشە، ەۆاكۋاتسيالانعان ادامدار شوعىرلانعان جەرلەردە تۇرعىندارعا جانە اسكەريلەرگە فيلم كورسەتىلىمدەرى ۇيىمداستىرىلادى. 25 -ماۋسىم مەن 6 -شىلدە ارالىعىندا «ارىستانباب»، «ازىرەت-سۇلتان» كەسەنەلەرىنە جانە تۇركىستان وبلىسىنداعى باسقا دا تاريحي جانە مادەنيەت نىساندارىنا بارلىق نيەت بىلدىرۋشىلەرگە تەگىن كىرۋگە بولادى.
سونداي-اق، ق ر ەتنوسپورت قاۋىمداستىعى الماتى وبلىسىندا 27-30 -ماۋسىم كۇندەرى ات سپورتىنان جاستار اراسىندا وتەتىن چەمپيوناتقا قاتىساتىن سپورتشىلار اتىنان ارىستا زارداپ شەككەن تۇرعىندارعا اقشا اۋدارۋدى جوسپارلاپ وتىر.
28 -ماۋسىمدا نۇر-سۇلتان قالاسىندا م م ا م1 Global Challenge بويىنشا وتەتىن كاسىبي تۋرنيرگە قازاقستان اتىنان قاتىساتىن سپورتشىلار جۇلدەلىك قارجىلارىن ارىس بالالارىنا اۋداراتىن بولدى.
5 -شىلدە كۇنى الماتىدا قانات يسلامنىڭ WBO Intercontinental تيتۋلى ءۇشىن وتەتىن جەكپە-جەككە قاتىسۋشى قازاقستاننىڭ كاسىبي سپورتشىلارى دا ارىس تۇرعىندارىنا قولداۋ كورسەتەدى.
«ق ر مادەنيەت جانە سپورت مينيسترلىگى جانە بىزگە قاراستى مەكەمەلەر ۇجىمدارى، Nur Otan پارتياسىنىڭ «مادەنيەت» باستاۋىش پارتيا ۇيىمىنىڭ مۇشەلەرى شەتتە قالماي ارىس تۇرعىندارىنا كومەك كورسەتۋ قورىنىڭ ەسەبىنە ءبىر كۇندىك جالاقىلارىن اۋداردى»، - دەدى اقتوتى رايىمقۇلوۆا.
