مينيستر ارىستا جارىلىس كەزىندە ايەلدى بوساندىرىپ العان مۇعالىمدەردى ماراپاتتادى
شايزا دوسكەيەۆا، بالبوپە وتەنوۆا، جانات نۇرجۇمانوۆا - مينيسترلىكتىڭ اتىنان ءدال وسى ءۇش مۇعالىم ارىستا جارىلىس بولعان كەزدە مەكتەپ تۇلەكتەرىنىڭ ۇ ب ت بويىنشا اپەللياتسيا وتىرىسىن وتكىزىپ جاتقان بولاتىن. ۇرەي مەن قاۋىپ اراسىندا ءجۇرىپ، جاس كەلىنشەكتى بوساندىرعان مۇعالىمدەردىڭ ەرلىگى جايلى كەشە جازعان بولاتىنبىز.
«ارىس قالاسىندا ۇلتتىق ءبىرىڭعاي تەستىلەۋدى ويداعىداي ۇيىمداستىرىپ، كەلەسى كۇنى اپەللياتسيا وتىرىسىن وتكىزىپ جاتقان ۋاقىتتا وزدەرىڭىز بىلەتىندەي، وسىنداي قيىن جاعداي بولدى. اياق استىنان بولعان جاعدايدا ارىپتەستەرىمىز ۇلكەن ادامگەرشىلىك كورسەتتى. كەلىنشەككە قيىن ساتتە كومەك كورسەتىپ، ساسپاي، نارەستەنىڭ دۇنيەگە كەلۋىنە سەبەپكەر بولىپ، كىندىكشەشە اتانىپ جاتىر. سول سەبەپتى، وسى ارىپتەستەرىمىزدى مينيسترلىككە شاقىرىپ، قۇرمەت كورسەتپەكپىز. ءبىزدىڭ ۇستازدار وسىنداي. ادامگەرشىلىگى مول. ءبىز ولاردى ماقتانا ايتامىز. سوندىقتان، سىزدەرگە تاعى دا العىس ايتىپ، قۇرمەت گراموتاسىن بەرۋگە رۇقسات ەتىڭىزدەر. باسىمىز امان، باۋىرىمىز ءبۇتىن بولسىن»، - دەدى ماراپاتتاۋ كەزىندە اسحات ايماعامبەتوۆ.
