برەيك-دانس پەن سەرفينگ پاريجدەگى وليمپيادا ويىندارىنىڭ باعدارلاماسىنا ەندى
بۇل تۋرالى ق ر ۇلتتىق وليمپيادالىق كوميتەتىنەن ءمالىم ەتتى، دەپ حابارلايدى قازاقپارات.
مۇنداي شەشىم 25 -ماۋسىم كۇنى حالىقارالىق وليمپيادا كوميتەتىنىڭ (ح و ك) 134-سەسسياسىندا قابىلدانعان.
2024 -جىلى پاريجدەگى وليمپيادا ويىندارىنىڭ ۇيىمداستىرۋ كوميتەتى ح و ك-قا قوسىمشا سپورت تۇرلەرىن ۇسىنا الاتىن ەكىنشى ۇيىمداستىرۋ كوميتەتى سانالادى. بۇل 2020 -جىلعى وليمپيادا ويىندارىنىڭ كۇن ءتارتىبىن رەفورمالاۋدىڭ ءبىر بولىگى.
«پاريج ۇسىنعان ءتورت سپورت ءتۇرى دە 2020 -جىلعى وليمپيادا كۇن تارتىبىنە تولىق سايكەس كەلەدى. سەبەبى، ولار وليمپيادا ويىندارىنىڭ گەندەرلىك تۇرعىدان تەڭگەرىمدى جانە زاماناۋي بولۋىنا ىقپال ەتۋدە. پاريجدەگى وليمپيادا ويىندارىنىڭ باعدارلاماسى كەلەشەك ۇرپاقپەن ساباقتاستىق ورناتۋعا مۇمكىندىك بەرەدى»، - دەدى ح و ك پرەزيدەنتى توماس باح.
ح و ك اتقارۋ كوميتەتى 2024 -جىلعى پاريجدەگى وليمپيادا ويىندارىنا قازىرگى باعدارلاماعا ەنگەن جانە ۇسىنىلعان جاڭا جارىستار بويىنشا، سونداي-اق سپورتشىلاررعا ارنالعان كۆوتالار جونىندەگى سوڭعى شەشىمدى 2020 -جىلدىڭ جەلتوقسانىندا قابىلدايدى.
ايتا كەتەيىك، 25 -ماۋسىم كۇنگى ح و ك سەسسياسىنداعى داۋىس بەرۋدەن كەيىن پاريج-2024 باعدارلاماسىنا باسقا سپورت تۇرلەرى ۇسىنىلمايدى.