ءبىر عانا ادامنان تۇراتىن وتباسىلار سانى كوبەيىپ كەلەدى

نۇر-سۇلتان. قازاقپارات - وڭتۇستىك كورەيادا ءبىر عانا ادامنان تۇراتىن وتباسىلار سانى كوبەيىپ كەلەدى. جىلدان جىلعا.

جاقىن بولاشاقتا مۇنداي وتباسىلار اتالعان ەلدەگى وتباسىلاردىڭ جالپى سانىنا شاققاندا %30 عا جەتپەك.

بۇل جايىندا Yonhap News اقپارات كوزى تاڭعى شىق ەلىنىڭ ستاتيستيكالىق قىزمەتى كەلتىرگەن دەرەككە سىلتەمە جاساي وتىرىپ، حابار تاراتتى.

جاريالانعان مالىمەت بويىنشا كورەياداعى ءبىر عانا ادامنان تۇراتىن وتباسىلار نەگىزىنەن جاسى 65-تەن اسىپ كەتكەندەر اراسىندا كوپتەپ كەزدەسەدى. وتكەن جىلدىڭ قورىتىندىسى بويىنشا مۇنداي وتباسىلار سانى 5,78 ميلليوننان اسىپ كەتكەن. بۇل ونىڭ الدىنداعى جىلمەن (2017) سالىستىرعاندا %3,1 عا كوپ. ياعني، ءبىر عانا ادامنان تۇراتىن وتباسىلار سانى ەلدەگى وتباسىلاردىڭ جالپى سانىنا شاققاندا %0,5 دان %29,2 عا ارتىپ كەتكەن.