+7 (701) 759 90 19 Лента
18 °С : Нур-Султан
25 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

بالالاردىڭ ۇيالى تەلەفوندارىن ۇرلادى دەگەن كۇدىكپەن ەلوردا تۇرعىنى ۇستالدى

26 ماۋسىم 09:17 578
:ءبولىسۋ
بالالاردىڭ ۇيالى تەلەفوندارىن ۇرلادى دەگەن كۇدىكپەن ەلوردا تۇرعىنى ۇستالدى

نۇر-سۇلتان. قازاقپارات - نۇر-سۇلتان پوليتسياسى بالالاردىڭ ۇيالى تەلەفوندارىن ۇرلاۋمەن اينالىسىپ جۇرگەن ەلوردا تۇرعىنىن ۇستادى، دەپ حابارلايدى قازاقپارات قالالىق پوليتسيا دەپارتامەنتىنە سىلتەمە جاساپ.

«بۇرىن سوتتالعان ەلوردا تۇرعىنى بالالاردان ۇيالى تەلەفونداردى ۇرلاۋمەن اينالىسقان. كۇندىزگى ۋاقىتتا ول ۇيلەردىڭ اۋلاسىندا ءجۇرىپ، ۇيالى تەلەفوندارىن قاراۋسىز قالدىرعان بالالاردىڭ اڭعالدىعىن پايدالانىپ، ۇرلىق جاساعان. جەدەل-ىزدەستىرۋ ءىس-شارالارى بارىسىندا كۇدىكتى بالالاردان تەلەفون ۇرلاپ جاتقان كەزىندە ۇستالدى. قازىرگى ۋاقىتتا ول 2 ۇرلىقتى جاساعانىن مويىندادى»، - دەلىنگەن حابارلامادا.

دەپارتامەنتتىڭ دەرەگىنە سۇيەنسەك، بۇگىندە ونىڭ باسقا دا قىلمىستارعا قاتىستىلىعى تەكسەرىلۋدە.

وسى تۇرعىدا ەلوردالىق پوليتسيا قىزمەتى اتالعان تۇلعانىڭ زاڭسىز ارەكەتىنەن زارداپ شەككەن ازاماتتاردى بەيبىتشىلىك كوشەسى 19 -مەكەنجايىندا ورنالاسقان نۇر-سۇلتان قالاسى پوليتسيا دەپارتامەنتىنە جۇگىنۋلەرىن نەمەسە 87172716024، 716069 نە بولماسا «102» تەلەفون نومەرى بويىنشا حابارلاسۋلارىن سۇرايدى.

سونداي-اق استانالىق ءتارتىپ ساقشىلارى قالاداعى 250 سپورتتىق نىسانعا، ونىڭ ىشىندە فۋتبول، باسكەتبول الاڭدارىن، سونداي- اق وقۋ مەكەمەلەرىنىڭ اۋماعىنداعى الاڭداردى ارالاپ، رەيد جۇرگىزدى.

«ارالاۋ بارىسىندا تۇسىندىرمە جۇمىستارى جۇرگىزىلىپ، جەكە جانە سەنىپ تاپسىرىلعان مۇلىككە مۇقيات بولۋ تۋرالى اقپاراتتىق جادىنامالار تاراتىلدى. بۇعان قوسا ويىن جانە فۋتبول الاڭدارىندا جۇرگەن كامەلەتكە تولماعاندارعا ۆەلوسيپەدتەرىن، ساموكاتتارىن جانە باسقا دا مۇلىكتەرىن قاراۋسىز قالدىرماۋ تۋرالى ەسكەرتىلدى»، - دەپ مالىمدەلگەن تاراتىلعان اقپاراتتا.

ودان بولەك، پوليتسيا ينسپەكتورلارى اتا- انالارمەن جانە ۇيلەردىڭ تۇرعىندارىن قوعامدىق ءتارتىپتى بۇزباۋعا شاقىرا وتىرىپ، تۇنگى ۋاقىتتا تىنىشتىقتى بۇزعانى ءۇشىن اكىمشىلىك جاۋاپكەرشىلىكتىڭ قاراستىرىلاتىنى جونىندە تۇسىندىرمە جۇمىستارىن جۇرگىزدى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
Кожакелдиев Е.
Кожакелдиев Е.
954-049
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات