+7 (701) 759 90 19
-10 °С : نۇر-سۇلتان
-2 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

شىعىس قازاقستان ارىس تۇرعىندارىن ءبىرجولاتا قابىلداۋعا دايىن

26 ماۋسىم 08:28
:ءبولىسۋ
شىعىس قازاقستان ارىس تۇرعىندارىن ءبىرجولاتا قابىلداۋعا دايىن

وسكەمەن. قازاقپارات - «شىعىس قازاقستان وبلىسى ارىس قالاسىندا قايعىلى وقيعادان زارداپ شەككەن وتباسىلاردى قونىس اۋدارۋ باعدارلاماسى بويىنشا قابىلداۋعا دايىن، دەپ حابارلايدى قازاقپارات.

كەشە ايماق باسشىسى وبلىستىڭ ءىرى كاسىپورىن باسشىلارىن ارىس قالاسىندا زارداپ شەككەندەرگە كومەك كورسەتۋگە شاقىردى. قازىرگى ۋاقىتتا تاۋ-كەن مەتاللۋرگيا كەشەنى مەن وڭدەۋ ونەركاسىبىنىڭ كاسىپورىندارى - «قازسينك» ج ش س، «ءۇ م ز» ا ق، «ت م ك» ا ق، باقىرشىق تاۋ-كەن ءوندىرۋ كاسىپورنى 107 ميلليون تەڭگە قارجى اۋداردى. ەتنومادەني بىرلەستىكتەر ارىس قالاسىنىڭ تۇرعىندارىنا كومەك كورسەتۋ قورىنا 738 مىڭ تەڭگە اۋداردى» - دەدى اكىم ورىنباسارى اسەم ءنۇسىپوۆا.

- 2017 -جىلدان باستاپ شىعىس قازاقستاندا ناتيجەلى جۇمىسپەن قامتۋ مەن جاپپاي كاسىپكەرلىكتى دامىتۋ «ەڭبەك» مەملەكەتتىك باعدارلاماسى جۇزەگە اسىرىلىپ كەلەدى. بۇل باعدارلامانىڭ باستى ماقساتى ەلىمىزدىڭ ەڭبەك كۇشى مول وڭىرلەرىنەن، شىعىس قازاقستانعا تۇرعىنداردى كوشىرۋ بولىپ تابىلادى. جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ مالىمەتى بويىنشا بيىل ءبىزدىڭ وبلىستا قونىس اۋدارۋ باعدارلاماسى بويىنشا 1566 ادامعا كۆوتا ءبولىندى. وسى ماقساتتارعا بىزگە رەسپۋبليكالىق بيۋدجەتتەن 736 ميلليون تەڭگە ءبولىنىپ وتىر. قاڭتار ايىنان باستاپ شىعىس قازاقستانعا 560 استام ادام كەلدى. ەگەر ارىس قالاسىنان ش ق و-عا قونىس اۋدارۋعا نيەت بىلدىرگەن ازاماتتاردىڭ سانى ارتا تۇسسە، رەسپۋبليكادان كۆوتا سانىن كوبەيتۋ تۋرالى ءوتىنىش جاسايمىز. سونىمەن قاتار قونىس اۋدارۋشىلارعا ۇيلەرىنە جوندەۋ جۇمىستارىن جۇرگىزۋگە، وتىن-كومىرمەن جانە ءۇي مالىمەن قامتاماسىز ەتۋگە قوسىمشا كومەك كورسەتۋ قاراستىرىلعان، - دەدى ايماق باسشىسىنىڭ ورىنباسارى.

شىعىسقازاقستاندىقتار ارىس قالاسىنداعى باۋىرلارىنىڭ جاعدايىنا بەي-جاي قاراماي، قارجىلاي جانە ازىق- تۇلىك، كيىم-كەشەك تۇرىندە كومەك كورسەتۋدە.

«تۇركىستان وبلىسىنداعى قايعىلى وقيعالارعا بايلانىستى ءبىز ارىس قالاسىنان 1000 ادامدى قابىلداۋعا دايىنبىز. وسى ماقساتتا وبلىس وكىلدەرى ارىس قالاسىنا شىعۋى جوسپارلانۋدا، وندا جەرگىلىكتى تۇرعىندارعا 1528 بوس ورىن ۇسىنىلادى. وبلىستا وسى باعىتتا كورسەتىلگەن كومەكتەردىڭ كوپتەگەن مىسالدارى بار. مىسالى، شەمونايحا اۋدانىنا ءۇش بالاسى بار وتباسى كوشىپ كەلدى. قازىر اناسى شارۋا قوجالىعىندا اسپازشى بولىپ جۇمىس ىستەيدى، ال اكەسى - ءار ءتۇرلى جۇمىسشى. ولار بارلىق سۋبسيديا الدى. بالالار تەگىن مەكتەپ فورماسىمەن، تاماقپەن قامتاماسىز ەتىلگەن. سونىمەن قاتار، شارۋا قوجالىقتارى ءوز قالاۋى بويىنشا 15 جىل تۇرىپ، شارۋا قوجالىعىندا جۇمىس ىستەگەننەن كەيىن وتباسىنا تولىق تيەسىلى بولاتىن ءۇي بەرە الادى. مۇنداي الەۋمەتتىك پاكەتتەر اياگوز، زايسان، كۇرشىم اۋداندارى مەن التاي اۋدانىندا بار. وتكەن جىلى بىزگە 1050 ادام كوشىپ كەلدى. ولاردىڭ كوپشىلىگى ءوز بيزنەسىن اشىپ، جۇمىسقا ورنالاستى، ءوڭىرىمىزدىڭ ومىرىنە بەلسەندى قاتىسۋدا» - دەدى اسەم ءنۇسىپوۆا.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات