+7 (701) 759 90 19
-26 °С : نۇر-سۇلتان
-5 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

ارىستا قۇتقارىلعان ازاماتتىڭ تۋىستارى اسكەريلەرگە العىسىن ءبىلدىردى

26 ماۋسىم 07:15
:ءبولىسۋ
ارىستا قۇتقارىلعان ازاماتتىڭ تۋىستارى اسكەريلەرگە العىسىن ءبىلدىردى

نۇر-سۇلتان. قازاقپارات - ق ر ۇلتتىق ۇلانىنىڭ «وڭتۇستىك» وڭىرلىك قولباسشىلىعىنىڭ باسپا ءسوز قىزمەتىنە قازاقستاندىق ساربازدار قۇتقارعان مۇرات شۇكىربەكوۆتىڭ تۋىستارى حابارلاسىپ، العىسىن ءبىلدىردى، دەپ حابارلايدى قازاقپارات.

«وڭتۇستىك» وڭىرلىك قولباسشىلىعىنىڭ باسپا ءسوز قىزمەتى تاراتقان مالىمەتتەرگە قاراعاندا، دەنساۋلىعى ناشار مۇرات شۇكىربەكوۆ (وزدىگىنەن جۇرە المايدى) ءۇيىنىڭ جارىلىس بولعان ايماقتىڭ ورتاسىندا ورنالاسقانىنا قارماستان ءقاۋىپتى جاعداي تۋىنداعاندا ەشقايدا شىعىپ كەتە الماعان.

وسى وقيعادان حاباردار بولعان سوڭ جانە جاعدايدا ناقتى باعالاعان ق ر ۇلتتىق ۇلانىنىڭ «وڭتۇستىك» قولباسشىلىعى باسشىسىنىڭ ورىنباسارى نيازتاي الكەشەۆ شۇعىل تۇردە 6506 اسكەري ءبولىمىنىڭ وفيتسەرلەرى مايور ارمان وتەنوۆ پەن اعا لەيتەنانت نۇرلىباي دوسىبايدى مۇمكىندىگى شەكتەۋلى ازامات قالعان مەكەنجايعا جىبەرەدى. قاجەتتى جەرگە كەلگەن اسكەريلەر مۇرات شۇكىربەكوۆتى تاۋىپ العان. ول كەزدە جالعىز قالعان ازاماتتىڭ ىشەتىن سۋى جوق جانە ازىق-تۇلىكسىز قالعان. ونىڭ ۇستىنە ۇيالى تەلەفونى دا ءوشىپ قالىپتى.

ۇلتتىق ۇلان ساربازدارى مايور ا. وتەنوۆ پەن اعا لەيتەنانت ن. دوسىباي مۇرات شۇكىربەكوۆتى سۋمەن جانە ازىق-تۇلىكپەن قامتاماسىز ەتىپ، ۇيالى تەلەفونىن قۋاتتاندىرىپ، ونىڭ تۋىستارىمەن بايلانىسقا شىقتى.

ايتا كەتەرلىگى، مۇرات شۇكىربەكوۆ ءوزىنىڭ ءۇيىن تاستاپ شىعۋدان تۇبەگەيلى باس تارتتى. ول ءتىپتى ءوزىنىڭ تۋىستارىنىڭ ايتقانىنا دا كونبەدى. اسكەري قىزمەتشىلەر وسىعان بايلانىستى جاقىن اراداعى اسكەري ءبولىمنىڭ كەزەكشىلىگىندەگى ساربازداردى شاقىرتىپ، مۇرات شۇكىربەكوۆتىڭ تۋىستارى كەلگەنشە وعان باس-كوز بولۋدى تاپسىردى.

مۇرات شۇكىربەكوۆتىڭ تۋىستارى ۇلتتىق ۇلان ساربازدارىنا ولاردىڭ جەدەل ارەكەتى مەن ادامداردىڭ ماسەلەسىنە قۇلاق اسىپ، كومەكتەسكەندەرى ءۇشىن العىس ايتتى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات