+7 (701) 759 90 19 Лента
26 °С : Нур-Султан
30 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

بالاعا قانداي دارۋمەن كەرەك؟

26 ماۋسىم 02:08 604
:ءبولىسۋ
بالاعا قانداي دارۋمەن كەرەك؟

نۇر- سۇلتان. قازاقپارات - بالاعا قانداي دارۋمەن جانە قانشالىقتى ۇزاق بەرۋ -  اتا- انانى ءجيى مازالايتىن سۇراقتىڭ ءبىرى. جاس اتا- انا بالانى دارۋمەن جەتىسپەۋشىلىگىنەن جانە تۇماۋدان قورعاۋ ءۇشىن دارۋمەن بەرۋ كەرەك دەپ ويلايدى.

 بالاعا قانداي دارۋمەن قاجەت جانە بارلىق بالاعا بىردەي پوليدارۋمەندى پرەپاراتتار بەرۋ كەرەك پە؟ دارۋمەندەر -  تاعامداعى حيميالىق قوسىلىس. ولاردىڭ وسۋگە، دامۋعا، زات الماسۋعا جانە ەنەرگياعا ومىرلىك ماڭىزى بار. ولار وتە از مولشەردە قاجەت بولعاندىقتان ميلليگراممەن (م گ) نەمەسە ميكروگراممەن (م ك گ) ولشەنەدى.

دارۋمەندەر ەكى توپقا بولىنەدى: مايدا ەريتىن جانە سۋدا ەريتىن دارۋمەندەر. مايدا ەريتىن دارۋمەندەرگە ا، ە، D جانە ك دارۋمەندەرى جاتادى. ك دارۋمەنى ىشەكتەردە باكتەريالارمەن بىرگە سينتەزدەلەدى. D دارۋمەنى تەرىدە ۋلتراكۇلگىن ساۋلە اسەرىنەن تۇزىلەدى. ا مەن ە دارۋمەنى تاماقپەن بىرگە كەلەدى. ا، ە، D دارۋمەندەرى باۋىردا جانە مايلى تىندە قورعا جينالادى، سوندىقتان ولاردىڭ ارتىق مولشەرى سينتەتيكالىق دارۋمەندەر تۇرىندە ۇزاق نەمەسە دۇرىس ەمەس قولدانۋ كەزىندە ۋلى بولۋى مۇمكىن. بالا دۇرىس تاماقتانسا، دارۋمەندەر جەتىسپەۋشىلىگى ورىن المايدى. سۋدا ەريتىن دارۋمەندەرگە س دارۋمەندەرى مەن ۆ توبىنىڭ دارۋمەندەرى جاتادى. سۋدا ەريتىن دارۋمەندەر (ۆ12 دارۋمەنىنەن باسقا) اعزادا قورعا جينالمايدى، ولار كۇندە تاماقپەن بىرگە كەلۋ كەرەك. ەگەر بۇل دارۋمەندەر ارتىق بولسا، ولار سىڭبەيدى، پايداسىن تيگىزبەيدى، جاي زارمەن بىرگە شىعىپ كەتەدى. دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىستارى بويىنشا بالالار دارۋمەندەر مەن ميكروەلەمەنتتەردى تابيعي جولمەن ازىق- تۇلىكتەر ارقىلى الۋ كەرەك. جاقسى تابەتپەن قامتاماسىز ەتەتىن بەلسەندى ءومىر سالتىندا بالا تاعامدىق توپتاردىڭ بارلىق ونىمدەرىن جەسە، ول قوسىمشا سينتەتيكالىق دارۋمەندەردى قاجەت ەتپەيدى.

 بالا الۋى قاجەت ازىق- تۇلىك توپتارى:

 - ءداندى داقىلدار (جارما، ماكارون، نان) ؛

- كوكونىستەر؛

 - جەمىستەر: - ءسۇتتى تاعامدار؛

 - مايلار؛

- جانۋار جانە وسىمدىك تەكىتىلەردىڭ اقۋىز كوزى (ەت، بالىق، بۇرشاقتىلار) . فاست- فۋدتا ەشقانداي دارۋمەن جوق. بالا تاماعىن تابلەتكامەن اۋىستىرۋ ارقىلى بالا اعزاسىن ماڭىزدى نارسەدەن ايىرۋىڭىز مۇمكىن. دارۋمەننىڭ اعزاعا سىڭۋىنە كوپتەگەن فاكتورلار اسەر ەتەدى: جاسى مەن جىنىسى، بويى مەن سالماعى، فيزيكالىق بەلسەندىلىك، تۇقىم قۋالاۋشىلىق، ءومىر ءسۇرۋ سالتى، زات الماسۋ ەرەكشەلىگى، اسقازان- ىشەكتەر جولىنىڭ جاعدايى، وتكەرگەن اۋرۋلارى جانە ت. ب. سوندىقتان بالاعا قانداي دارۋمەن جەتىسپەيتىندىگىن، اعزاعا ءسىڭۋ ءۇشىن ءارتۇرلى دارۋمەندەر ءبىر- بىرىنە كەدەرگى كەلتىرمەس ءۇشىن قاجەتتى مولشەردە دارۋمەندى پرەپاراتتى تەك دارىگەر جازىپ بەرە الادى. بۇرىن ءبىراز ۋاقىتقا ءجۇزۋ ساپارىنا كەتكەن كەمەشىلەر بالعىن كوكونىس پەن جەمىس جەمەگەندىكتەن دىڭگەنە (سينگا) اۋرۋىنا شالدىعاتىن بولعان. بۇل كلاسسيكالىق اۆيتامينوز قازىر وركەنيەتتى ەلدەردە كەزدەسپەيدى، الايدا تاماقپەن بىرگە از دارۋمەن كەلسە نەمەسە دارۋمەن اعزاعا دۇرىس سىڭبەسە، دارۋمەن جەتىسپەۋشىلىگى ورىن الۋى مۇمكىن. س دارۋمەنى كوللاگەندى سينتەزدەۋگە قاجەت، وسىمدىكتەن جاسالعان تاماقتان تەمىردىڭ ءسىڭۋىن جاقسارتادى، انتيوكسيدانت بولىپ تابىلادى جانە اعزانىڭ قورعانىس رەاكتسياسىنا اسەر ەتەدى. س دارۋمەنىنىڭ جەتكىلىكتى مولشەرى مىنا ونىمدەردە بولادى:

 - 1 ۇلكەن اپەلسين؛

 - 1 بولگار بۇرىشى؛

 - 2-3 جاس كارتوپ؛

 - 200 گ كەز كەلگەن قىرىققابات.

 تاماقتاعى دارۋمەندەردى قالاي ساقتاۋعا بولادى؟

 - سۋدا ەريتىن دارۋمەندەر جارىق اسەرىنەن، ۇزاق ساقتاعاندا، تەرميالىق وڭدەگەندە (25 تەن % 100  عا دەيىن دارۋمەندەر جوعالادى) جانە قايتا- قايتا قاتىرىپ- ەرىتكەننەن بۇزىلادى؛

 - جىلىجايعا قاراعاندا اشىق توپىراقتا وسىرىلگەن كوكونىستەردىڭ دارۋمەندەرى الدەقايدا كوبىرەك بولادى؛

 - دۇكەننەن اكەلگەن تاماقتى قانشالىقتى جىلدام ءپىسىرىپ جەسەڭىز، سونشالىقتى جاقسى. سوندىقتان دۇكەننەن ازىق- تۇلىكتى كۇندەلىكتىسىن كۇندە ساتىپ اكەلگەن ءجون؛

 - كوكونىستەر مەن جەمىستەردى تەك جەردىڭ الدىندا تۋراڭىز؛

 - كوكونىستەر مەن جارمالاردى سۋعا سالىپ قويماڭىز؛

 - كوكونىستەردى ۇزاق قايناتقاننان جانە پىسىرگەننەن گورى از قۋىرعان جاقسى؛

 - مىندەتتى تۇردە ءتۇرلى ءتۇستى شيكى كوكونىستەر مەن جەمىستەر جەڭىز. ەگەر بالاڭىزدىڭ تابەتى جاقسى بولسا جانە كۇندە كوكونىس پەن جەمىس- جيدەك جەسە، وعان قوسىمشا دارۋمەندى پرەپارات بەرۋدىڭ قاجەتى جوق. ەگەر دارۋمەن بالا اعزاسىنا دۇرىس سىڭبەۋى مۇمكىن دەپ ويلاپ، كۇماندانساڭىز، الدىمەن دارىگەرگە كورسەتىپ، تەكسەرىستەن ءوتىڭىز. ال ەگەر بالاڭىزدىڭ تابەتى ناشار بولسا نەمەسە كوكونىستەر مەن جەمىستەر جەمەسە، بىردەن قوسىمشا دارۋمەندى پرەپارات بەرمەي، الدىمەن تابەت اشۋدىڭ جولدارىن ىزدەڭىز. ول تۋرالى دا دارىگەردەن كەڭەس الساڭىز بولادى. سەبەبى بالاعا تاماقپەن كەلگەن دارۋمەن اسا قاجەت ەكەنىن ۇمىتپاڭىز.

Massaget.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات