پلاستيكپەن كۇرەستى سالىق سالۋ ارقىلى جۇرگىزبەك
بۇل جايىندا TV4 اقپارات كوزى حابار تاراتتى. اتالعان ەل قورشاعان ورتانى لاستاۋشىلارمەن وسىلايشا كۇرەسىپ كورمەك. ناقتىراق ايتقاندا، ستاندارتتى پاكەت ءۇشىن سالىناتىن سالىق مولشەرى 3 كرون (شۆەدتەردىڭ ۇلتتىق ۆاليۋتاسى) نەمەسە 0,33 دوللاردى قۇراماق.
ال جۇقا پاكەتتى پايدالانعاندارعا سالىناتىن سالىق مولشەرى ازىراق بولادى - 0,3 كرون. ياعني، شۆەتسيا ۇكىمەتى ەۋرووداقتىڭ جىلىنا ءبىر ادام پايدالاناتىن پلاستيك پاكەت سانى 40-تان اسپاۋى ءتيىس دەگەن تالابىن ورىنداماق. بۇل شارا ءوز كەزەگىندە اتالمىش ەل بيۋدجەتىنە قوسىمشا 2,9 ميلليارد كرون (شامامەن 320 ميلليون دوللار) تابىس تۇسىرەدى.
ەستەرىڭىزدە بولسا، جاپونداردىڭ ءبىر جولعا پايدالانىلاتىن پلاستيك پاكەتتەرگە اقىلى جۇيە ەنگىزەتىنىن حابارلاعان بولاتىنبىز. بۇل جوبا بويىنشا تۇتىنۋشىلارعا تەگىن پاكەت بەرۋگە تىيىم سالىنادى. پلاستيك پاكەتتى پايدالانعىسى كەلەتىندەر پاكەتتى ساتىپ الۋى ءتيىس.
islam.kz