قورعانىس ءمينيسترلگى ارىستاعى سوڭعى جاعداي تۋرالى: ءۇش قاۋىپتى وشاق بار
«قازىرگى كەزدە قورعانىس مينيسترلىگى يەن پوليتسيا كۇشتەرى قالاعا پەريمەتەر بويىنشا كۇزەت جۇرگىزىپ جاتىر. اسكەري ادامداردان 650 ادام كۇندىز كۇزەت قىزمەتىن جۇرگىزەدى. سونداي- اق، 150 اسكەري تەحنيكا پايدالانىلاۋدا. 150 دەن استام ساپەر قالانىڭ ىشىندە مينالار مەن سناريادتاردى زالالسىزداندىرۋدا. ساپەرلار قالانىڭ ءىشىن تەمىرجولدىڭ بويىمەن تازالاپ، ءبىرشاما جۇمىس جۇرگىزدى. اۋەگە ءبىز ءۇش اۋە قۇرىلعىسىن جىبەرىپ، مونيتورينگ جۇرگىزىپ جاتىرمىز» ، - دەدى باقىت قۇرمانبايەۆ «حابار 24» ارناسىندا تىكەلەي ەفير كەزىندە.
ۆيتسە- مينيستر جارىلىستىڭ سەبەبىن انىقتاۋ ءۇشىن زەرتتەۋ مەن پروتسەسسۋالدىق شارالار جۇرگىزىلىپ جاتقانىن، بىردەڭە دەۋگە ءالى ەرتە ەكەنىن جەتكىزدى. «ءبىرىنشى ادام كولىكپەن كەلە جاتقاندا ۇستىنە سنارياد قۇلاپ، قازا بولعان. ەكىنشى ادام ءورتتى ءوشىرىپ جۇرگەن كەزدىندە مەرت بولدى. قالعان جايداردىڭ ءبارى انىقتالىپ جاتىر. قازىرگى ۋاقىتتا ەڭ بىرىنشىدەن ساپەرلەر جۇمىس ىستەپ، سناريادتاردى تەرىپ، جيناپ، قالادان شىعارۋدا. قازىر ءۇش جەردە ءورت قاۋپى ساقتالۋدا. جارىلىس بولىپ جاتقان جوق» ، - دەدى ول.
ەسكە سالا كەتسەك، ارىس قالاسىنداعى اسكەري ءبولىمنىڭ قويماسىندا كەشە تاڭەرتەڭ جارىلىس بولعاندىعى تۋرالى حابارلاعان بولاتىنبىز. اپات سالدارىنان ەكى ادام مەرت بولدى. ارىستاعى جارىلىستان زارداپ شەككەندەرگە كومەك قولىن سوزۋ ماقساتىندا ەلىمىزدە كەشە «ارىس، ءبىز بىرگەمىز» اكتسياسى باستالدى. اكتسيا اياسىندا تۇركىستان وبلىسى ارىس قالاسىنداعى وقيعادان زارداپ شەككەندەرگە جاردەم بەرۋ ءۇشىن وبلىس اكىمشىلىگىنىڭ جانىنان اشىلعان «تۇركىستان» كورپوراتيۆتىك الەۋمەتتىك دامۋ قورىنا حابارلاسۋىڭىزعا بولادى. «تۇركىستان» كورپوراتيۆتىك الەۋمەتتىك دامۋ قورى رەكۆيزيتتەرى تۇركىستان وبلىسى تۇركىستان قالاسى، قىزىلوردا تاس جولى ، 34 ا عيماراتى، پوشتا يندەكسى 161200 ب س ن (ب ي ن) 100440016000 «ForteBank» ا ق تۇركىستان قالاسىنداعى فيليالى ج س ك (ي ي ك) KZ7196528F0007014540 ب س ك (ب ي ك) IRTYKZKA