+7 (701) 759 90 19 Лента
19 °С : Нур-Султан
21 °С : الماتى
USD 383.01 EUR 430.12
RUB 6.10 CNY 55.70
جاڭالىقتار

رەسەيدىڭ «مۋلت» كانالىندا قازاق تىلىندەگى ونىمدەر كورسەتىلە باستادى

25 ماۋسىم 17:30 230
:ءبولىسۋ
رەسەيدىڭ «مۋلت» كانالىندا قازاق تىلىندەگى ونىمدەر كورسەتىلە باستادى

نۇر-سۇلتان. قازاقپارات - رەسەيلىك وپەراتورلار قازاقستاننىڭ تەلەارنالارىن كورسەتەدى.

بۇل تۋرالى حالىقپەن ەسەپتىك كەزدەسۋىندە ق ر اقپارات جانە قوعامدىق دامۋ ءمينيسترى داۋرەن ابايەۆ ءمالىم ەتتى، دەپ حابارلايدى قازاقپارات ءتىلشىسى.

«قازىر اقپارات سالاسى بويىنشا ءبىزدىڭ مينيسترلىك ءتيىستى زاڭدى جەتىلدىرۋ جۇمىستارىن جالعاستىرىپ جاتىر. قاجەتتى تۇزەتۋلەر ەنگىزۋ دە جوسپارىمىزدا بار. اتاپ ايتار بولسام، بۇقارالىق اقپارات قۇرالدارىندا كەيبىر ونىمدەرىن جارنامالاۋعا تىيىم سالۋدى توقتاتۋ، مەملەكەتتىك تاپسىرىستى ايماق دەڭگەيىندەگى مەملەكەتتىك ساتىپ الۋ جۇيەسىنەن شىعارۋ، بۇقارالىق اقپارات قۇرالدارىن سالىقتان بوساتۋ، «سۇر تارەلكالاردىڭ» تارالۋىنا شەكتەۋ قويۋ شارالارى»، - دەدى مينيستر

ونىڭ سوزىنە قاراعاندا، ب ا ق سالاسىن جاڭعىرتۋ مەن ساپالى تەلەۆيزيالىق كونتەنت قالىپتاستىرۋ جۇمىستارى دا ءبىر ساتكە توقتاعان جوق. بۇل جۇمىس جالعاسا بەرەدى.

«مىسالى، «تاماشا تۆ» دەپ اتالاتىن ءبىرىنشى ءازىل-سىقاق باعىتىنداعى تەلەارنا ءوز باعدارلامالارىن كورەرمەن نازارىنا ۇسىنا باستادى. «ەL ARNA»  كينوكانالى دا دامىپ كەلە جاتىر. ولار بيىل حابار تاراتۋدىڭ جاڭا ساتىسىنا كوتەرىلدى. ەندىگىدە بۇل تەلەارنا ارقىلى تەك قانا وتاندىق فيلمدەردى ەمەس، تەاتر ساحناسىنداعى ۇزدىك قويىلىمداردى دا تاماشالاۋعا مۇمكىندىك پايدا بولادى. تاعى ءبىر توقتالا كەتەتىن جاعىمدى جاڭالىق قازاقستاندىق تەليەۆيزيا مەن باسپا ءسوز قۇرالدارى كورشى ەلدەردە كورسەتىلە باستادى. بۇل وزگە مەملەكەتتەردە تۇراتىن قانداستارىمىز ءۇشىن قولعا الىنعان شارا. كوپتەگەن جىلدار بويى جۇرگىزىلگەن كەلىسسوزدەردىڭ ناتەجيەسىندە حابار-24 پەن قازاق-ت ۆ ارنالارىن رەسەي فەدەراتسياسىندا تىركەۋگە قول جەتكىزدىك. رەسەيلىك سپۋتنيكتىك جانە كابەلدىك وپەراتورلارىمەن دە كەلىسسوزدەر جاقسى دەڭگەيگە كوتەرىلدى. ولار الداعى ۋاقىتتا ءوز «پاكەتتەرىنە»، ياعني وزدەرىنىڭ جەلىلەرى ارقىلى ءبىزدىڭ ارنالاردى كورسەتە باستايدى»، - دەدى داۋرەن ابايەۆ.

بەلگىلى بولعانداي، وسى جىلدىڭ ءساۋىر ايىنان باستاپ، رەسەيدىڭ «مۋلت» دەپ اتالاتىن بالالار كانالىندا مەملەكەتتىك تىلدەگى قازاق ونىمدەرى كورسەتىلە باستادى.


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات