اسكەري قىزمەتشىلەر ارىستى مينادان تازالاپ جاتىر
«قازىرگى ۋاقىتتا وقيعا ورنىندا ساپىندا جارىلىس قاۋپى بار زاتتارمەن جۇمىس ىستەۋدە تاجىريبە اسكەري قىزمەتشىلەردەن جاساقتالعان 9 ميناسىزداندىرۋ توبى جۇمىس ىستەپ جاتىر. اتالعان توپتار اۋماقتا جارىلماي قالعان وق- دارىلەردەن تازارتۋ بويىنشا كەشەندى شارالار جۇزەگە اسىرادى. وق- دارىلەردەن تازارتۋ جۇمىسى ەلدى مەكەندەرگە تاياۋ ورنالاسقان قويمالار مەن باسقا دا ساقتاۋ ورىندارىنداعى جارىلۋ ءقاۋپى بار زاتتاردان بارىنشا تازارتۋ ماقساتىندا ۇيىمداستىرىلعان» ، - دەپ اتاپ وتەدى مينيسترلىكتەن.
ۆەدومستۆو مالىمەتىنشە، ەڭ الدىمەن تەمىر جولدىڭ بويىن، قارۋ- جاراق قويماسىنا ىرگەلەس ارىس قالاسىنداعى تۇرعىن ۇيلەر مەن عيماراتتاردىڭ ماڭىن قاۋىپتى زاتتاردان تازارتۋ جۇرگىزىلەدى. بۇل تۇرعىندار ۇيلەرىنە ورالعان كەزدە ولاردىڭ قاۋىپسىزدىگىن قامتاماسىز ەتۋ ءۇشىن جاسالىپ جاتىر. سونىمەن قاتار، ۇشقىشسىز ۇشاتىن اپپاراتتاردىڭ كومەگىمەن ارىس قالاسىنىڭ توڭىرەگى مەن ارسەنالدىڭ تەحنيكالىق اۋماعى بارلانۋدا.
«اسكەري پوليتسيا بولىمشەلەرى تاۋلىكتىك شولعىنداۋدى ۇيىمداستىردى. شامامەن 700 اسكەري قىزمەتشى قالانى قورشاۋعا العان. سونىمەن قاتار، وقيعا ورنىندا 1200 ادامعا ارنالعان شاتىر تىگىلگەن» ، - دەلىنگەن تاراتىلعان اقپاراتتا.