15:19, 25 - ماۋسىم 2019 | GMT +6
ارىستا جوعالعان ەكىنشى اسكەري قىزمەتشى تابىلدى
نۇر-سۇلتان. قازاقپارات - ارىستا جوعالىپ كەتكەن ەكىنشى اسكەري قىزمەتشى تابىلىپ، ەمدەۋ مەكەمەسىنە جاتقىزىلدى.
بۇل جايىندا ق ر قورعانىس مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.
«وكىنىشكە وراي، بۇعان دەيىن كەلىسىمشارت قىزمەتىندەگى اسكەري قىزمەتشى اعا سەرجانت ب. م. الىمبەكوۆتىڭ قازا بولعانىن حابارلانعان بولاتىن. ەكىنشى جوعالعان اسكەري قىزمەتشى تابىلدى. قازىر ول ەمدەۋ مەكەمەسىندە جاتىر»، - دەپ اتاپ وتەدى مينيسترلىكتەن.
ۆەدومستۆو مالىمەتىنشە، وق-ءدارى جارىلىستارىنىڭ سالدارىن جويۋعا جەكە قۇرامنىڭ شامامەن 1800 ادامى مەن 50 دەن استام تەحنيكاسى جۇمىلدىرىلعان. ق ر قارۋلى كۇشتەرىنىڭ جەكە قۇرامىنىڭ كۇشىمەن جارىلىس سالدارىن جويۋ جانە تومەندەتۋ شارالارى جۇزەگە اسىرىلىپ جاتىر.