توقايەۆ ءبىر كۇندىك ەڭبەك اقىسىن ارىستا زارداپ شەككەندەر قورىنا اۋداردى
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى، دەپ حابارلايدى قازاقپارات.
«ارىستاعى توتەنشە جاعداي قازاقستاندىقتاردى بەي-جاي قالدىرمادى. ەل باسىنا تۇسكەن اۋىرتپاشىلىقتان ەشكىم شەت قالعان جوق. مەملەكەت باسشىسى قاسىم-جومارت توقايەۆ ءوزىنىڭ ءبىر كۇندىك ەڭبەك اقىسىن جارىلىستان زارداپ شەككەندەرگە كومەك بەرۋ قورىنا اۋداردى. پرەزيدەنت اكىمشىلىگىنىڭ قىزمەتكەرلەرى قاسىم-جومارت كەمەل ۇلىنىڭ بۇل باستاماسىن قولداپ، كومەك بەرۋگە قوسىلدى»، - دەپ جازادى بەرىك ءۋالي.
ايتا كەتەيىك، «قازاقپارات» وسىعان دەيىن تۇركىستان وبلىسىنىڭ ارىس قالاسىنداعى اسكەري ءبولىمنىڭ قويماسىندا جارىلىس بولعاندىعىن حابارلادى. وقيعا ورنىنا شۇعىل تۇردە مەملەكەت باسشىسى قاسىم-جومارت توقايەۆ جەتىپ، جارىلىس اۋماعىنان ەۆاكۋاتسيالانعان تۇرعىندارمەن كەزدەستى.