13:17, 25 - ماۋسىم 2019 | GMT +6
دونالد ترامپ: ا ق ش قازاقستانمەن مىعىم ارىپتەستىكتى باعالايدى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ اتىنا قازاقستان رەسپۋبليكاسىنىڭ پرەزيدەنتى بولىپ سايلانۋىنا وراي، ا ق ش پرەزيدەنتى دونالد ترامپتان قۇتتىقتاۋ جەدەلحاتى كەلىپ ءتۇستى، دەپ حابارلايدى اقوردا.
«وسى جىلداردىڭ ىشىندە ەكىجاقتى قارىم-قاتىناستارىمىزدا ۇلكەن جەتىستىكتەرگە قول جەتكىزدىك، ىنتىماقتاستىق رۋحىمىزدىڭ ءارى قاراي دا جالعاسا بەرەتىنىنە كامىل سەنەمىن. امەريكالىق بيزنەستىڭ قازاقستانمەن ەكونوميكالىق ىنتىماقتاستىقتى كەڭەيتۋ باعىتىندا جاڭا مۇمكىندىكتەر العانى قۋانتادى»، - دەپ جازدى دونالد ترامپ.
اق ءۇي باسشىسى، ا ق ش- تىڭ قازاقستانمەن كەڭەيتىلگەن ستراتەگيالىق ارىپتەستىكتى ىلگەرىلەتۋ جولىنداعى بىرلەسكەن جۇمىستاردى جالعاستىرا بەرۋگە نيەتتى ەكەنىن اتاپ ءوتتى.
«ا ق ش قازاقستانمەن مىعىم ارىپتەستىكتى باعالايدى. ورتالىق ازيا مەن جاھاندىق دەڭگەيدەگى ورتاق مۇددە اياسىندا سىزبەن جانە قازاقستان حالقىمەن بىرلەسكەن جۇمىستاردى جالعاستىرا بەرمەكپىز. جۇمىسىڭىزعا مول تابىس تىلەيمىن»، - دەلىنگەن ا ق ش پرەزيدەنتىنىڭ قۇتتىقتاۋىندا.