ق ر ىشكى ىستەر ۆيتسە-ءمينيسترى ارىستا ەكى ادامنىڭ قالاي كوز جۇمعانىن حابارلادى
«بۇعان دەيىن حابارلاعانىمىزداي، جارىلىس سالدارىنان ەكى ادام قازا تاپتى. ونىڭ ءبىرى ارىس قالاسىنىڭ تۇرعىنى بولعان. سنارياد اۆتوكولىككە ءتۇسىپ، ونىڭ ىشىندەگى ادام كوز جۇمدى. مەرت بولعان ادامنىڭ ەكىنشىسى - قورعانىس مينيسترلىگىنىڭ اسكەري قىزمەتشىسى. ونىڭ دەنەسى ىزدەۋ جۇمىستارى كەزىندە اسكەري بولىمنەن جاقىن جەردەن تابىلدى»، - دەدى ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرگەن ىشكى ىستەر ۆيتسە-ءمينيسترى يۋري يلين.
ۆيتسە-ءمينيستردىڭ ايتۋىنا قاراعاندا، قازىرگى ۋاقىتتا وقيعا ورنىندا ساپەرلەر جۇمىس جۇرگىزىپ جاتىر.
ەسكە سالا كەتسەك، ارىس قالاسىنداعى اسكەري ءبولىمنىڭ قويماسىندا كەشە تاڭەرتەڭ جارىلىس بولعاندىعى تۋرالى حابارلاعان بولاتىنبىز. اپات سالدارىنان ەكى ادام مەرت بولدى. تۇركىستان وبلىسىنا ارنايى بارعان قازاقستان پرەزيدەنتى قاسىم-جومارت توقايەۆ ارىستاعى اسكەري بولىمشەدەگى وق-ءدارى قويماسىنداعى جارىلىستان زارداپ شەككەن قالا تۇرعىندارىمەن كەزدەسىپ، قالانىڭ قالپىنا كەلتىرىلەتىنىنە ۋادە بەردى.