ارىستاعى اپات: ق ر ب ع م ەۆاكۋاتسيالانعان بالالارعا قاتىستى جاڭا مالىمەتتەر ۇسىندى
15 بالا تۋىس-تۋعاندارىنا ازىرگە تاپسىرىلعان جوق. ق ر ءبىلىم جانە عىلىم مينيسترلىگى 25- ماۋسىم، تاڭەرتەڭگى ۋاقىتتاعى جاعدايى بويىنشا وسىنداي مالىمەت تاراتتى، دەپ حابارلايدى قازاقپارات.
تۇركىستان وبلىسىنداعى توتەنشە جاعداي بويىنشا وبلىستىق شتاب قۇرىلىپ، تۇرعىنداردى باسقا جەرلەرگە ورنالاستىراتىن 48 ورتالىق اشىلدى.
جالپى، ارىس قالاسى مەن اۋىلداردا 40 مەكتەپ (18399 بالا)، 50 مەكتەپكە دەيىنگى ۇيىمدار جۇمىس اتقارادى (5071 بالا). قاۋىپتى ايماقتا 13 مەكتەپ (11377 بالا)، 6 مەملەكەتتىك، 23 جەكەمەنشىك بالاباقشا (3278 بالا) ورنالاسقان. ولارداعى بالالاردىڭ بارلىعى قاۋىپسىز جەرلەرگە كوشىرىلدى»، - دەلىنگەن مينيسترلىك اقپاراتىندا.
التى اۋداندا (شىمكەنت، تۇركىستان قالالارى، سارىاعاش، قازىعۇرت، ورداباسى، شاردارا، وتىرار اۋدانى) ورتا مەكتەپ، كوللەدج، بالاباقشا، مەكتەپ- ينتەرناتتارعا ەۆاكۋاتسيالانعان ازاماتتارعا بارلىق جاعدايلار جاسالعان. تۇرعىندار اۋىز سۋمەن، ىستىق تاماقپەن، توسەك ورىندارىمەن، كيىم-كەشەكپەن جانە جەكە گيگيەنالىق زاتتارمەن قامتاماسىز ەتىلدى.
«بارلىق 48 ورتالىققا جالپى سانى 3860 ادام، ونىڭ ىشىندە، 0 مەن 18 جاس ارالىعىنداعى 914 بالا جەتكىزىلدى. بۇگىنگى اقپارات بويىنشا، 1149 بالا اتا-انالارىمەن قاۋىشتى. 15 بالا ازىرگە اتا-اناسىنا بەرىلگەن جوق. ءار ورتالىقتا پەداگوگ-پسيحولوگتار جۇمىس جاساپ جاتىر. بارلىعى 158 پەداگوگ-پسيحولوگ تارتىلدى. شتاب جۇمىسىن تاۋلىك بويى اتقارىپ جاتىر. وسى باعىتتا جۇمىستار ءالى دە جالعاسادى»، - دەدى ۆەدومستۆودان.