قاسىم-جومارت توقايەۆ ارىس قالاسىن ارالادى

نۇر-سۇلتان. قازاقپارات - مەملەكەت باسشىسى ارىس قالاسىن ارالاپ شىقتى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

باسپا ءسوز مالىمەتتەرىنە قاراعاندا، قالانى اينالىپ شىعۋ بارىسىندا قاسىم-جومارت توقايەۆ وق-ءدارى قويماسىنداعى جارىلىس سالدارىنان قاتتى قيراعان تۇرعىن ۇيلەر مەن اكىمشىلىك نىساندارىن ارالاپ كوردى.

قازاقستان پرەزيدەنتىنە يەۆاكۋاتسيا جۇمىستارىنىڭ بارىسى جانە جارىلىس وشاقتارىن توقتاتىپ، ءورتتى ءسوندىرۋ جونىندە مالىمەت بەرىلدى.

مەملەكەت باسشىسى ىشكى ىستەر ورگاندارىنىڭ، قورعانىس مينيسترلىگىنىڭ، جەرگىلىكتى اتقارۋ ورگاندارىنىڭ قىزمەتكەرلەرىنە ريزاشىلىق ءبىلدىردى.

قاسىم-جومارت توقايەۆ ءبىر كۇننىڭ ىشىندە وتە اۋقىمدى جۇمىس اتقارىلعانىن ايتتى جانە جۇمىستاردىڭ وسى قارقىنىن باسەڭدەتپەي، جالعاستىرا بەرۋدى تاپسىردى.