ەلىمىزدە «ارىس، ءبىز بىرگەمىز» اكسياسى باستالدى

نۇر-سۇلتان. قازاقپارات - ارىستاعى جارىلىستان زارداپ شەككەندەرگە كومەك قولىن سوزۋ ماقساتىندا ەلىمىزدە «ارىس، ءبىز بىرگەمىز» اكسياسى باستالدى.

بۇل اكسيا بارىسى «حابار» جانە «Qazaqstan» ارناسىنداعى تەلەمارافوننان تىكەلەي ەفيردە كورسەتىلدى، دەپ حابارلايدى قازاقپارات ءتىلشىسى.

اكسيا اياسىندا مادەنيەت جانە سپورت مينيسترلىگى، ەڭبەك جانە حالىقتى الەۋمەتتىك قورعاۋ مينيسترلىگىنىڭ قىزمەتكەرلەرى ءبىر كۇندىك جالاقىسىن اۋدارماق. وسى باستاماعا دەپۋتاتتار دا قوسىلعان.

«ق ح ا وكىلدەرى مەن ەرىكتىلەر اپاتتان زارداپ شەككەندەرگە كومەك كورسەتۋگە بەلسەندى اتسالىسۋدا. بۇعان دەيىن تۇرعىندار ءوز بەتىمەن ەۆاكۋتسيالانعاندارعا 3 مىڭ قۇتى سۋ تاراتقان. شىمكەنتتە گۋمانيتارلىق كومەك جينايتىن پۋنكت اشىلدى»، - دەدى ق ح ا مۇشەسى اسكەر پەريەيەۆ تەلەمارافوندا.

وسىعان بايلانىستى تۇركىستان وبلىسى ارىس قالاسىنداعى وقيعادان زارداپ شەككەندەرگە جاردەم بەرۋ ءۇشىن وبلىس اكىمشىلىگىنىڭ جانىنان اشىلعان «تۇركىستان» كورپوراتيۆتىك الەۋمەتتىك دامۋ قورىنا حابارلاسۋىڭىزعا بولادى.

«تۇركىستان» كورپوراتيۆتىك الەۋمەتتىك دامۋ قورى رەكۆيزيتتەرى تۇركىستان وبلىسى تۇركىستان قالاسى، كىزىلوردا تاس جولى، 34 ا عيماراتى،

پوشتا يندەكسى 161200

ب س ن (ب ي ن) 100440016000

«ForteBank» ا ق تۇركىستان قالاسىنداعى فيليالى

ج س ك (ي ي ك) KZ7196528F0007014540

ب س ك (ب ي ك) IRTYKZKA