07:07, 25 - ماۋسىم 2019 | GMT +6
قاسىم-جومارت توقايەۆ ەۆاكۋاتسيالانعان تۇرعىندارمەن كەزدەستى
نۇر-سۇلتان. قازاقپارات - تۇركىستان وبلىسىنا ارنايى بارعان قازاقستان پرەزيدەنتى قاسىم-جومارت توقايەۆ ارىستاعى اسكەري بولىمشەدەگى وق-ءدارى قويماسىنداعى جارىلىستان زارداپ شەككەن قالا تۇرعىندارىمەن كەزدەستى، دەپ حابارلايدى قازاقپارات ءتىلشىسى.
«قالا قالپىنا كەلتىرىلەدى، ءبارى دۇرىس بولادى. بۇل توتەنشە جاعداي، اپات. قايتەمىز، كەيبىر ۋاقىتتا سولاي بولادى. ۇكىمەت اقشا، قاراجات بەرەدى، كومەكتەسەدى، الاڭداماڭىزدار! ءبارى جاقسى بولادى. جوندەۋ جۇمىستارىن جاساپ بەرەمىز. ۇكىمەت قانشا قاراجات كەرەك ەكەنىن سانايدى. سودان كەيىن قاراجات بولەمىز. ءبارىن ءتۇسىنىپ وتىرمىن، ءبارى جاقسى بولادى. ادەيى كەلىپ وتىرمىن»، - دەدى مەملەكەت باسشىسى تۇرعىندارمەن كەزدەسۋى بارىسىندا.
مەملەكەت باسشىسىنىڭ باسپا ءسوز حاتشىسى بەرىك ءۋالي facebook-تەگى پاراقشاسىندا قورعانىس ءمينيسترى نۇرلان ەرمەكبايەۆتىڭ پرەزيدەنتكە ارىستاعى جاعدايدى بايانداپ تۇرعان ساتىنەن سۋرەتتەر جاريالادى.