توتەنشە جاعداي كەزىندە نە ىستەۋ كەرەك؟
مۇنداي ساتتە نە ىستەۋ كەرەك؟
1. جارىلىس بولعان ايماققا، قاۋىپتى زاتقا جاقىنداماڭىز، ونى ۇستاماڭىز
2. بولمەدەگى جانە كوشەدەگى قاۋىپتى جەرلەردەن تەز ارادا كەتىڭىز
3. اينالاداعىلارعا قاۋىپ تۋرالى ەسكەرتىڭىز
4. جارىلىس ءسوزسىز بولاتىنىن سەزىنسەڭىز، جەرگە جاتىڭىز جانە باسىڭىزدى قولىڭىزبەن جابىڭىز
5. ەۆاكۋاتسيا كەزىندە قۇجاتتارىڭىزدى جانە ءبىرىنشى كەزەكتەگى قاجەت زاتتاردى الىڭىز
6. بۇلىنگەن كونسترۋكتسيالار مەن جالاڭاش سىمداردى ۇستاماي، اقىرىن قوزعالىڭىز.
7. كەلىپ جەتكەن لاۋازىمدى تۇلعالاردىڭ نۇسقاۋلارىنا سايكەس قيمىلداڭىز
8. وزىڭىزبەن بىرگە بوتەلكەدە سۋ الىپ ءجۇرىڭىز
9. بوس ۇرەيگە بوي الدىرماي، سابىرلىلىق تانىتىڭىز.
الەۋمەتتىك جەلىلەردەگى قاۋەسەت سوزدەرگە سەنبەۋگە، سابىرلى بولۋعا شاقىرامىز. جالعان اقپارات تاراتقان ازاماتتار قازاقستان رەسپۋبليكاسىنىڭ قىلمىستىق كودەكسىنە سايكەس جاۋاپقا تارتىلاتىنىن ۇمىتپاعان ابزال.
Massaget.kz