كۇش- قۋاتقا تولى ونىمدەر

نۇر-سۇلتان. قازاقپارات -ءوزىمىزدى شارشاڭقى سەزىنگەندە كوفە ءىشىپ نە جۇرەك جالعاپ كۇش- قۋاتىمىزدى قالپىنا كەلتىرۋگە تىرىسامىز.

نازارلارىڭىزعا كوڭىل- كۇيىڭىزدى كوتەرىپ، كۇش- قۋات بەرەتىن شيپالى ونىمدەردىڭ ءتىزىمىن ۇسىنامىز. بادام (ميندال) مايعا، اقۋىزعا، كومىرسۋتەككە باي كەلەدى. وعان قوسا ە جانە ۆ توبىنىڭ دارۋمەندەرى، مىرىش، مىس، تەمىر، مارگانەتس بار. بادام جاڭعاعى - مي، جۇيكە جاسۋشالارى مەن سۇيەكتەردىڭ قىزمەتى ءۇشىن قاجەتتى باعالى قورەك.

قارا شوكولاد بويعا قۋات بەرەدى. ول جۇيكەگە وڭ اسەرىن تيگىزىپ، ءوزىمىزدى جاقسى سەزىنۋگە سەبەپشى بولادى. اناردىڭ قۇرامىندا كالتسي، ماگني، كالي، مارگانەتس، كوبالت، ا، ۆ، س، ە، ر دارۋمەندەرى بار. تابەتىڭىزدى اشىپ، كۇش- قۋاتىڭىزدى ارتتىرىپ، ءتۇرلى ينفەكتسياعا قارسى توتەپ بەرۋگە كومەكتەسەدى. كۇنىنە 1 ستاكان انار شىرىنىن نەمەسە جارتى انار جەسەڭىز جەتەدى. قىزىل بۇرىشتىڭ حولەستەرين ءتۇسىرۋشى، اسقازان قىشقىلدارىن رەتتەۋشى جانە ميكروپ ءولتىرۋشى اسەرلەرى بار. اس قورىتۋ جۇيەسىنىڭ دوسى. اسقازان جالقاۋلىعىن جويادى جانە تابەتتى اشادى. جۇمىسقا دەگەن قۇمارلىقتى وياتادى.