20:52, 24 - ماۋسىم 2019 | GMT +6
شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ وتىرىسى ءوتتى
نۇر- سۇلتان. قازاقپارات - بۇگىن قازاقستان رەسپۋبليكاسىنىڭ مەملەكەتتىك حاتشىسى مارات ءتاجيننىڭ توراعالىعىمەن شەتەلدە كادر دايارلاۋ جونىندەگى رەسپۋبليكالىق كوميسسيانىڭ كەزەكتى جيىنى ءوتتى، دەپ حابارلايدى قازاقپارات اقورداعا سىلتەمە جاساپ.
وتىرىستى اشقان م. ءتاجين ەلىمىزدى جاڭعىرتۋدىڭ ستراتەگيالىق باسىمدىقتارىن ەسكەرە وتىرىپ، باسەكەگە قابىلەتتى كادر دايارلاۋدىڭ ماڭىزدىلىعىن ايتتى.
كوميسسيا وتىرىسىنىڭ قورىتىندىسى بويىنشا 134 ۇمىتكەرگە ستيپەنديا تاعايىندالدى. ولار ماگيستراتۋرا جانە دوكتورانتۋرا باعدارلامالارى بويىنشا شەت ەلدەردەگى ۇزدىك جوعارى وقۋ ورىندارىندا ءبىلىم الادى، سونداي- اق الەمنىڭ جەتەكشى عىلىمي جانە وندىرىستىك ورتالىقتارىنا تاعىلىمداماعا جىبەرىلەدى.
سونىمەن قاتار، مەملەكەتتىك حاتشى «بولاشاق» حالىقارالىق ستيپەندياسىن ودان ءارى جۇزەگە اسىرۋ جونىندە ءبىرقاتار تاپسىرما بەردى.