ارىستاعى جارىلىس: الماتىدان اسكەرلەر جىبەرىلدى

None
None
الماتى. قازاقپارات - ارىس قالاسىندا قوعامدىق ءتارتىپتى كۇزەتۋ جانە تۇرعىنداردى ەۆاكۋاتسيالاۋعا كومەك كورسەتۋ ماقساتىندا ۇلتتىق ۇلاننىڭ 6506-اسكەري بولىمىنەن 500 اسكەري قىزمەتشى جانە 30 دان استام تەحنيكا جونەلتىلدى، دەپ حابارلايدى قازاقپارات ءتىلشىسى.

بۇل تۋرالى قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىنىڭ باسپا ءسوز قىزمەتى حابارلادى.

«وقيعا بولعان ورىندا ۇلتتىق ۇلاننىڭ ءىس- ارەكەتىن قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعى قولباسشىسىنىڭ ءبىرىنشى ورىنباسارى - شتابى باستىعى اندرەي كاسكەلەنوۆ ۇيلەستىرەدى»، - دەدى باسپا ءسوز قىزمەتىنەن.

ەسكە سالساق، ارىس قالاسىنداعى اسكەري ءبولىمنىڭ قويماسىندا جارىلىس بولعاندىعى تۋرالى حابارلاعان بولاتىنبىز. ق ر قورعانىس مينيسترلىگى ارىستاعى جارىلىستان زارداپ شەككەندەر جوق ەكەندىگىن جاريالادى.

ال ق ر پرەزيدەنتى قاسىم-جومارت توقايەۆ ءتيىستى ورگاندارعا ارىستاعى اسكەري بولىمدەگى وق-ءدارى قويماسىندا بولعان جارىلىستىڭ زارداپتارىن جويۋ تۋرالى تاپسىرما بەردى.

null

سوڭعى جاڭالىقتار