وبلىس اكىمى ارىستا بۇلىنگەن الەۋمەتتىك نىسانداردى ارالاپ شىقتى

نۇر-سۇلتان. قازاقپارات - تۇركىستان وبلىسىنىڭ اكىمى ءومىرزاق شوكەيەۆ ارىس قالاسىندا جارىلىستان بۇلىنگەن الەۋمەتتىك نىسانداردى ارالاپ شىقتى، دەپ حابارلايدى قازاقپارات ءتىلشىسى.

«وبلىس اكىمى ارىس قالاسىندا بۇلىنگەن ينفراقۇرىلىمدىق الەۋمەتتىك نىسانداردى ارالاپ شىقتى. اتاپ ايتقاندا، ءومىرزاق شوكەيەۆ بالاباقشانى، قالالىق اۋرۋحانانى، ءى ءى ب عيماراتى مەن تۇرعىن ۇيلەردى ارالادى. كەلتىرىلگەن شىعىن الدىن الا ەسەپتەلىپ، قالانىڭ ومىرىنە قاجەتتى جەدەل شەشىمدەر قابىلداندى. تۇرعىنداردى ءالى دە ەۆاكۋاتسيالاۋ جۇمىسى جۇرگىزىلىپ، بۇل ماقساتتا 105 كولىك جۇمىلدىرىلدى. ارىس قالالىق ءى ءى ب- دەگى نەگىزگى شتاتتان بولەك، 345 قىزمەتكەر مەن 75 ارنايى كولىك، شۇعىل جاردەمنىڭ 51 ەكيپاجى جۇمىلدىرىلدى. ت ج تاراپىنان 201 قىزمەتكەر، تۇركىستان وبلىستىق جانە شىمكەنت قالالىق ت ج د-نىڭ 26 ارنايى تەحنيكاسى تارتىلدى»، - دەپ جازدى ءوڭىر باسشىسىنىڭ كەڭەسشىسى ساكە قالقامانوۆ facebook پاراقشاسىندا.

ەسكە سالساق، ارىس قالاسىنداعى اسكەري ءبولىمنىڭ قويماسىندا جارىلىس بولعاندىعى تۋرالى حابارلاعان بولاتىنبىز. ق ر قورعانىس مينيسترلىگى ارىستاعى جارىلىستان زارداپ شەككەندەر جوق ەكەندىگىن جاريالادى.

ال ق ر پرەزيدەنتى قاسىم-جومارت توقايەۆ ءتيىستى ورگاندارعا ارىستاعى اسكەري بولىمدەگى وق-ءدارى قويماسىندا بولعان جارىلىستىڭ زارداپتارىن جويۋ تۋرالى تاپسىرما بەردى.