+7 (701) 759 90 19
-3 °С : نۇر-سۇلتان
3 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

ءوز ءسابيىن جوعالتىپ العان ارىستىق ايەل وزگەنىڭ بالاسىن اناسىنا اپارا جاتىر

24 ماۋسىم 18:14
:ءبولىسۋ
ءوز ءسابيىن جوعالتىپ العان ارىستىق ايەل وزگەنىڭ بالاسىن اناسىنا اپارا جاتىر

ارىس. قازاقپارات - ارىس قالاسىنداعى جارىلىس كەزىندە اداسىپ قالعان ءسابيدى بوتەن ايەل ءوز بالارىمەن بىرگە قۇتقارىپ قالعان.

ءۇش جاسار ۇلان ەسىمدى بالانىڭ جارىلىس ماڭايىنان تابىلعانى تۋرالى اقپارات الەۋمەتتىك جەلىگە تاراعان بولاتىن. قازاقپارات ءتىلشىسى قاراۋسىز قالعان بالاعا قامقور بولعان بالقيا زاۋىربەكوۆامەن سويلەسىپ، وقيعانىڭ قالاي بولعانىن سۇراپ ءبىلدى.

«ۇلان دەگەن بالانى اتا- اناسىنا تاپسىرۋعا اپارا جاتىرمىز. بالانىڭ قارنى توق. تاماقتاندىرىپ، سۋ بەردىك. ءوزىمىزدىڭ ءۇش بالامەن بىرگە كۇيەۋىمىز ەكەۋمىز قازىعۇرتقا كەلە جاتىرمىز» ، - دەيدى ارىس قالاسىنىڭ تۇرعىنى. ايەلدىڭ ايتۋىنشا، توتەنشە جاعداي كەزىندە ءوزى دە ءبىر جاسار بالاسىنان كوز جازىپ قالعان.

«ءوزىمىزدىڭ دە ءبىر جاسار بالامىز اداسىپ كەتكەن بولاتىن. سونى قازىعۇرتتا دەپ ەستىدىك. بۇل بالانى اتا- اناسىنا اپارىپ، ءوز بالامىزدى دا تاۋىپ الايىق دەپ كەتىپ بارامىز» ، - دەگەن ارىستىق انا 3 جاسار ۇلاندى قالاي جولىقتىرعانىن ايتىپ بەردى.

«بۇل بالا جارىلىس باستالىپ، ادامدار ابىر- سابىر بولىپ جاتقان ساتتە اسكەري ءبولىمنىڭ ماڭايىندا اداسىپ قالعان. جۋىقتا عانا پوليتسياعا كىرگەن ءىنىم ءاليحان تاۋىپ الىپ، جەتەكتەپ اكەلگەن قالپى قولىما ۇستاتتى. «بالاعا يە بول، جوعالتپا، قولىنان جىبەرمە» دەپ قاتتى تاپسىردى. ءوزىمنىڭ ءۇش بالاممەن بىرگە مۇنى قولىنان تاس قىلىپ ۇستاپ بىرنەشە قىر استىق. يۋجنىي جاقتا ەڭ سوڭعى قىرعا جەتىپ ءبىراق توقتادىق. وسى كەزدە جولداسىم شىمكەنتتەن جەتىپتى. قازىر التاۋىمىز قازىعۇرتقا كەتىپ بارامىز. ءوزىنىڭ ايتۋىنشا بالانىڭ جاسى ۇشتە» ، - دەيدى بالقيا زاۋىربەكوۆا.

ارىس تۇرعىنى كورشىلەس ەلدى مەكەندەردىڭ اپاتتان بوسقان حالىققا قولىنان كەلگەنشە كومەكتەسىپ جاتقانىن ايتادى.

«جولدا ادامدارعا ريزا بولدىق. ارىستان قازىعۇرتقا بارار جولدىڭ بويىندا ادامدار ۇيلەرىنەن شىعىپ، قولىندا بار ازىعىمەن ءبولىسىپ جاتىر. ءبىرى نان، ءبىرى ءبالىش، ءبىرى سۋ ۇسىنۋدا. جاس جىگىتتەر تورسىقپەن سۋ تاسىپ جۇگىرىپ ءجۇر. كولىكتىڭ تەرەزەسىن ءتۇسىرىپ، وزدەرى ءبىرىنشى بولىپ ۇسىنعاندارىن كورگەندە قاتتى ريزا بولدىم. ارىستان قاشىپ شىققاننان كەيىن قىر باسىندا 3-4 ساعات سۋسىنسىز قالعانبىز. سول قيىندىقتىڭ ءبارىن مۇنداعى ادامداردىڭ مەيىرىمى ۇمىتتىرىپ جىبەرەدى ەكەن» ، - دەيدى بالقيا زاۋىربەكوۆا.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات