اسكەريلەر ارىس قالاسىندا حالىقتى قالاي ەۆاكۋاتسيالاۋدا

None
None
ارىس. قازاقپارات - الەۋمەتتىك جەلىدە اسكەريلەردىڭ ارىس قالاسىندا حالىقتى ەۆاكۋاتسيالاپ جاتقان ۆيدەوسى تارادى، دەپ حابارلايدى قازاقپارات ءتىلشىسى.

تاراعان ۆيدەودان ءدال جارىلىس كەزىندە ءبىر توپ اسكەري قىزمەتشىنىڭ قۇتقارۋ جۇمىستارىن جۇرگىزىپ جاتقانىن كورۋگە بولادى. اسكەريلەر ادامداردى جەتەلەپ، ولاردى جولدا كەتىپ بارا جاتقان كەز كەلگەن كولىككە وتىرعىزىپ جىبەرۋگە اسىعادى. «الىپ كەت ايەلدى، الىپ كەت» دەگەن داۋىستار ەستىلەدى.

ادامداردى قۇتقارۋ كەزىندە جارىلىستىڭ ءالى دە گۇرسىلدەپ جاتقانىن كورۋگە بولادى. «گۇرس» ەتكەن جارىلىستان ءبىر ساتكە جاتا قالىپ قورعانعان اسكەريلەر بىردەن ىسكە كىرىسىپ، قۇتقارۋ جۇمىسىن جالعاستىرۋدا.

بۇگىن تاڭەرتەڭ تۇركىستان وبلىسىنىڭ ارىس قالاسىنداعى اسكەري ءبولىم قويماسىندا جارىلىس بولدى. بىرنەشە ءوڭىردىڭ توتەنشە جاعدايلار دەپارتامەنتى شۇعىل جەلىلەر قۇردى. كوپ ۇزاماي وبلىس باسشىسى ءومىرزاق شوكەيەۆ باستاعان ارنايى كوميسسيا ارىستاعى اسكەري بولىمگە اتتاندى. جاعدايدىڭ اۋقىمىمەن تانىسقان ءوڭىر اكىمى ارىس تۇرعىندارىن ەۆاكۋاتسيالاۋ تۋرالى شەشىم قابىلدانعانىن ءمالىم ەتتى. قر ءىىم توتەنشە جاعدايلار كوميتەتى تۇرعىندار قايدا جانە قالاي ەۆاكۋاتسيالانىپ جاتقانىن حابارلادى.

ق ر پرەزيدەنتى قاسىم-جومارت توقايەۆ ءتيىستى ورگاندارعا ارىستاعى توتەنشە جاعدايدىڭ زارداپتارىن جويۋ تۋرالى تاپسىرما بەردى.

ق ر قورعانىس مينيسترلىگى رەسمي اقپارات تاراتىپ، تۇسكە دەيىنگى ۋاقىتتاعى جاعداي بويىنشا زارداپ شەككەندەر جوقتىعىن ايتتى. كەيىن حابارلانعانداي، وقيعا ورنىنا قورعانىس ءمينيسترى نۇرلان ەرمەكبايەۆ ۇشىپ شىقتى.

سوڭعى مالىمەتتەر بويىنشا، وقيعا سالدارىنان 11 ادام زارداپ شەكتى.

 

سوڭعى جاڭالىقتار