15:40, 24 - ماۋسىم 2019 | GMT +6
ارىستاعى جارىلىس: بوگەن سۋ قويماسىنا ەشقانداي قاۋىپ ءتونىپ تۇرعان جوق
ارىس. قازاقپارات - ارىستاعى جارىلىسقا بايلانىستى بوگەن سۋ قويماسىنا ەشقانداي دا قاۋىپ ءتونىپ تۇرعان جوق. بۇل تۋرالى تۇركىستان وبلىسى اۋىل شارۋاشىلىعى باسقارماسىنىڭ باسشىسى نۇربەك بادراقوۆ ءمالىم ەتتى.
باسقارما باسشىسى ۆيدەوجازباسى ارقىلى ارىس قالاسىنداعى توتەنشە جاعدايعا بايلانىستى بوگەن سۋ قويماسىنا قاتىستى تاراعان قاۋەسەتتى جوققا شىعارادى. «ارىس ارناسىنان سەكۋندىنا 47 تەكشە مەتر سۋ شارۋالاردى اعىنسۋمەن قامتاماسىز ەتۋگە بوساتىلىپ جاتىر. بوگەن سۋ قويماسىنا بايلانىستى ەشقانداي دا قاۋىپ جوق. وسىندا تۇركىستان وبلىسى «Nur Otan» پارتياسى فيليالى ءتوراعاسىنىڭ ءبىرىنشى ورىنباسارى نۇرماحان جولداسوۆ پەن وتىرار اۋداندىق توتەنشە جاعدايلار باسقارماسىنىڭ ماماندارى تولىعىمەن بوگەن سۋ قويماسىن كورىپ شىقتى. بوگەن سۋ قويماسىنا قاتىستى ەشقانداي دا ءقاۋىپ ءتونىپ تۇرعان جوق» ، دەدى ن. بادراقوۆ.