بەردىبەك ساپاربايەۆ: ورالماندارعا باسپانا بەرىلۋى ءتيىس
«ەڭ الدىمەن وتانداستارىمىزعا قازاقستاننىڭ كەز كەلگەن وڭىرىندە ءومىر سۇرۋگە مۇمكىندىك بەرەدى. ەكىنشىدەن، قونىس اۋدارۋ بارىسىندا قالا نە بولماسا اۋىلعا ياعني، جەرگىلىكتى جەرلەرگە بايلانىستى وتباسىنىڭ ءاربىر مۇشەسىنە شامامەن 8 مىڭ تەڭگە تولەنەدى. ەگەر پاتەر نە بولماسا تۇرعىن ءۇي بىردەن بەرىلمەسە، وندا 12 اي بويى 30 دان 70 مىڭ تەڭگەگە دەيىن تولەنەدى»، - دەدى مينيستر.
بۇل رەتتە بەردىبەك ساپاربايەۆ وسىدان 10 جىل بۇرىن ەلىمىزدە ورالمانداردى بەيىمدەۋ ورتالىقتارى، جاتاقحانالار بولعانىن ەسكە سالدى.
«وكىنىشكە وراي، ولاردىڭ قايدا كەتكەنىن بىلمەيمىن. دەگەنمەن، ونىمەن اينالىسۋىمىز كەرەك. قازىرگى ۋاقىتتا ءبىز وسى باعىتتا جۇمىس جاساپ جاتىرمىز»، - دەدى ول.
سونىمەن قاتار، ەڭبەك ءمينيسترى بۇل ماسەلەگە قاتىستى ءتيىستى كوميتەتكە تاپسىرما بەرىلگەنىن اتاپ ءوتتى.
«باستاپقى كەزدە قانداي دا ءبىر باسپانا بەرىلۋى ءتيىس. ولار وزگە ەلدەن كەلدى، بۇل جەردە تانىستارى دا، تۋعان-تۋىستارى دا جوق»، - دەدى ب. ساپاربايەۆ.