ارىس تۇرعىندارى تولىق ەۆاكۋاتسيالانادى - ءومىرزاق شوكەيەۆ
«اسكەري بولىمدە جارىلىس بولدى. ساعات 09:20 كەزىندە حابارلاما ءتۇسىپ، توتەنشە جاعداي جاريالاندى. جاقىندا ورنالاسقان بارلىق اۋداندار مەن ەلدىمەكەندەر جۇمىلدىرىلدى.
قازىر وقيعانىڭ اۋقىمىنا باعا بەرە وتىرىپ، قالانى تولىعىمەن ەۆاكۋاتسيالاۋ كەرەكتىگىن ۇقتىق. سوندىقتان، بارلىق باعىت بويىنشا كولىكتەر لەگى وتەدى. كولىكتەر ادامداردى تيەپ الىپ، ارنايى لاگەرلەرگە ورنالاستىراتىن بولادى. بارلىق اۋدان اكىمدەرى لاگەرلەردى ۇيىمداستىرۋدى قولعا الىپ، كەلگەندەردىڭ ءتىزىمىن جاساۋى كەرەك. ءاربىر اكىمگە تاپسىرما: كەلگەندەردىڭ ءبارىن ۇيگە نەمەسە قوناق ۇيگە ورنالاستىرۋ كەرەك. ءاربىر لاگەردى اۋدان اكىمدەرى باسقارادى. قازىر ەۆاكۋتسيا ماسەلەسى بار. ءبىز سونىمەن اينالىسىپ جاتىرمىز»، - دەدى ءومىرزاق شوكەيەۆ.
ەسكە سالساق، ارىس قالاسىنداعى اسكەري ءبولىمنىڭ قويماسىندا جارىلىس بولعاندىعى تۋرالى حابارلاعان بولاتىنبىز. ق ر قورعانىس مينيسترلىگى ارىستاعى جارىلىستان زارداپ شەككەندەر جوق ەكەندىگىن جاريالادى. توقايەۆ ارىستاعى وق-ءدارى قويماسىنداعى جارىلىس زارداپتارىن جويۋدى تاپسىردى.