مەيرامبەك بەسبايەۆ جارىنىڭ قانداي قاسيەتىنە عاشىق ەكەنىن ايتتى

 نۇر-سۇلتان. قازاقپارات - مەيرامبەك بەسبايەۆ جارىنىڭ بويىنداعى قاي قاسيەتىنە عاشىق ەكەنىن جاسىرماي ايتتى.

ەسترادا جۇلدىزى كەلىنشەگىن جەر-كوككە سىيعىزباي ماقتاپ، وتباسىلىق ومىرىندەگى تىڭ مالىمەتتەرمەن ءبولىستى دەپ جازادى «ەرەجەسىز اڭگىمە» باعدارلاماسى.

ءانشى جۇبايىمەن قالاي ۇرسىساتىنىن ايتىپ، 15 جىلدا قارىم-قاتىناستارىندا قانداي وزگەرىس ورىن العانىن جەتكىزدى.

«بىرىنشىدەن، سابىرلىعى مەن اقىلدىلىعى ۇنايتىن شىعار. ۇيلەنگەنىمىزگە 15 جىل بولدى. بۇل ۋاقىتتا قۇدايعا شۇكىر، بىرگە كەلە جاتىرمىز. ىستىق-سۋىعىن وسى مەملەكەتپەن، حالىقپەن بىرگە جاقسىلىعىن ءبارىن كورىپ كەلە جاتىرمىز. 15 جىلدا وتباسىلىق دوستاردى تاپتىق. بالا-شاعامىز ارالاسادى.

15 جىلدا ءبىزدىڭ ءبىر-ءبىرىمىزدى سىيلاۋ قابىلەتىمىز دە ءوستى دەپ ويلايمىن. ۇرىسۋىمىزدىڭ ءوزى وزگەردى. باسقا دەڭگەيگە وتتىك. باياعىداي شات-پۇت، توڭكەرىپ سالىپ، ەرتەڭ بەت كورمەيتىندەي ۇرىسىپ قالۋ بولعان ەمەس. قازىر كەلىسپەۋشىلىكتى سابىرمەن شەشەتىن بولدىق»، - دەپ اعىنان جارىلدى بەسبايەۆ.