+7 (701) 759 90 19 Лента
29 °С : Нур-Султан
36 °С : الماتى
USD 383.01 EUR 430.12
RUB 6.10 CNY 55.70
جاڭالىقتار

ساپاربايەۆ جۇمىسسىزدىق جاردەماقىسىن قالاي كوبىرەك الۋعا بولاتىنىن ايتتى

24 ماۋسىم 12:30 178
:ءبولىسۋ
ساپاربايەۆ جۇمىسسىزدىق جاردەماقىسىن قالاي كوبىرەك الۋعا بولاتىنىن ايتتى

نۇر-سۇلتان. قازاقپارات - قازاقستاندا جۇمىسسىزدىق بويىنشا تولەنەتىن مەملەكەتتىك جاردەماقى مەرزىمى 4 ايدان 6 ايعا ۇزارتىلماق.

بۇل تۋرالى بۇگىن حالىقپەن ەسەپتىك كەزدەسۋ وتكىزگەن ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.

كەزدەسۋ بارىسىندا جۇمىسسىز جۇرگەندىكتەن مەملەكەت تاراپىنان جاردەماقى الىپ وتىرعان نۇر-سۇلتان قالاسىنىڭ تۇرعىنى ساۋلەت تۇتقابايەۆ بوس جۇمىس ورنىن ۇسىنعان مەكەمەلەرگە بارعانىمەن، ولاردىڭ جالاقىسى تومەن ەكەندىگىن ايتادى.

وسى رەتتە ول مينيسترگە ەكى سۇراق قويدى. «بىرىنشىدەن، جاردەماقى نەلىكتەن تومەن مولشەردە بەرىلەدى؟ ەكىنشىدەن، وسى جاعدايدا مەن نە ىستەۋىم كەرەك؟ سوعان جاۋاپ السام»، - دەدى ول.

«ەڭ الدىمەن، جۇمىس ىستەۋ كەرەك. ەكىنشىدەن، جاردەماقى جۇمىسسىزدىققا دەيىن العان جالاقىعا بايلانىستى بولادى. ودان كەيىن، ءبىز كۇندەلىكتى قانشا بوس جۇمىس ورنى بار، قانشا جۇمىسسىز بار دەگەن مالىمەتتەردى جيناپ وتىرامىز. سول مالىمەتتەرگە سايكەس، قازىرگى ۋاقىتتا جۇمىس ورىندارىنىڭ سانى جۇمىسسىزداردىڭ سانىنان كوپ. ياعني، جۇمىس جونىنەن ماسەلە جوق. باعانا مەن ايتپاي كەتتىم، 2030-جىلعا دەيىنگى جۇمىس كارتاسىن جاسادىق. سوندا بىزگە بەرىلگەن تاپسىرما بار. ءبىز حالىقتى تولىق جۇمىسپەن قامتاماسىز ەتۋ ءۇشىن جىلىنا ەڭ كەم دەگەندە 380 مىڭ جۇمىس ورنىن اشۋىمىز كەرەك. ارينە، ءسىزدىڭ ايلىق از دەپ ايتىپ تۇرعانىڭىز دۇرىس. ءبىراق، از بولسا دا سوعان بارۋ كەرەك. ەرتەڭ جۇمىس جاقسى جۇرسە جالاقى كوتەرىلەدى. ءاربىر جۇمىس بەرۋشى جاقسى مامان العىسى كەلەدى»، - دەپ جاۋاپ بەردى مينيستر.

سونىمەن قاتار بەردىبەك ساپاربايەۆ جۇمىسسىز جۇرگەندەرگە تولەنەتىن جاردەماقى كولەمىن وزگەرتۋ قاراستىرىلىپ جاتقانىن ايتتى.

«قازىرگى ۋاقىتتا ول 4 ايعا دەيىن عانا تولەنەدى. ەندى ونى 6 ايعا دەيىن تولەۋ ويدا بار. نەگىزىنەن جۇمىسسىز قالعان ازاماتتار تەزىرەك جۇمىسپەن قامتۋ ورتالىقتارىنا بارۋى كەرەك. سول كەزدە ءسىزدىڭ بۇرىن العان جالاقىڭىزدى ەسەپتەيدى، الاتىن جاردەماقى تومەن بولمايدى»، - دەدى ول.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات