+7 (701) 759 90 19
-3 °С : نۇر-سۇلتان
6 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

قازاقستاندا كادرلىق قاجەتتىلىك قالاي بولجانادى؟

24 ماۋسىم 11:38
:ءبولىسۋ
قازاقستاندا كادرلىق قاجەتتىلىك قالاي بولجانادى؟

نۇر-سۇلتان. قازاقپارات - قازاقستاندا ەڭبەك نارىعىن جاڭعىرتۋ جانە جاڭا وزگەرىستەرگە دايىنداۋ جۇرگىزىلىپ جاتىر.

بۇل تۋرالى بۇگىن حالىقپەن ەسەپتىك كەزدەسۋ وتكىزىپ جاتقان ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.

ءمينيستردىڭ سوزىنە قاراعاندا، كادرلارعا قاجەتتىلىكتى بولجاۋدىڭ مىناداي ءۇش دەڭگەيلى ۇلتتىق جۇيەسى ەنگىزىلەدى: قىسقا مەرزىمدى كەزەڭ (1 جىل)، ورتا مەرزىمدى كەزەڭ (5 جىل)، ۇزاق مەرزىمدى كەزەڭ (2050- جىل). «ول بىزگە بۇگىن جانە 5-10 جىلدان كەيىن قانداي جانە قانشا مامان قاجەت ەكەنىن تۇسىنۋگە، سونداي-اق ەڭبەك رەسۋرستارى اعىنىنىڭ باعىتتارى مەن شارتتارىن انىقتاۋعا مۇمكىندىك بەرەدى. ناتيجەلەرى ورتا جانە جوعارى ءبىلىمى بار كادرلاردى دايارلاۋعا ارنالعان مەملەكەتتىك ءبىلىم بەرۋ تاپسىرىسىن قالىپتاستىرۋ كەزىندە، قىسقا مەرزىمدى جانە قايتا دايارلاۋدى ۇيىمداستىرۋ كەزىندە قولدانىلاتىن بولادى»، - دەدى ب. ساپاربايەۆ.

سونداي-اق، ول ۇلتتىق بىلىكتىلىك جۇيەسىن قالىپتاستىرۋ جالعاسىپ جاتقانىن ايتتى.

«قازىرگى تاڭدا 106 كاسىبي ستاندارت ازىرلەندى. وندا جۇمىس بەرۋشىلەردىڭ قىزمەتكەرلەردىڭ بىلىمىنە، داعدىلارى مەن قۇزىرەتتەرىنە قويىلاتىن تالاپتارى كورسەتىلگەن. اعىمداعى جىلى 12 باسىم سالا بويىنشا 480 كاسىبي ستاندارت پەن 38 سالالىق بىلىكتىلىك اياسىن ازىرلەۋ جانە قابىلداۋ جوسپارلانۋدا. كاسىپتىك ستاندارتتار نەگىزىندە ءبىلىم بەرۋ باعدارلامالارى جاڭارتىلادى»، - دەدى مينيستر.

ونىڭ ايتۋىنشا، سالالىق جۇمىس بەرۋشىلەردى كاسىپتىك ستاندارتتار ازىرلەۋگە تارتۋ ءۇشىن 2019-جىلى جوبالىق توپ قۇرىلدى. وعان سالالىق مينيسترلىكتەردىڭ باسشىلارى كىرەدى.

مينيسترلىك بىلىكتىلىك جۇيەسىن ودان ءارى دامىتۋ ءۇشىن حالىقارالىق ساراپشىلاردى تارتا وتىرىپ، ۇلتتىق بىلىكتىلىك جۇيەسىن دامىتۋ جونىندەگى 2025-جىلعا دەيىنگى جول كارتاسىن ازىرلەپ جاتىر. ول ەكىنشى جارتىجىلدىقتا قابىلدانادى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
Мухамедиярова Жанара
Мухамедиярова Жанара
954-049

مۇراعات