ق ر پرەزيدەنتى: ۇلى دالا - ەۋرازيا كەڭىستىگىن مىڭداعان جىلدار بويى مەكەندەگەن حالىقتاردىڭ تاريحي شەجىرەسىنىڭ كۋاسى

None
None
نۇر-سۇلتان. قازاقپارات - ەلوردادا «ۇلى دالا» 4-گۋمانيتارلىق عىلىمدار فورۋمى باستالدى، دەپ حابارلايدى قازاقپارات ءتىلشىسى.

شاراعا «تۇركى وركەنيەتى: ءتۇپ تامىرىنان قازىرگى زامانعا دەيىن» تاقىرىبىنا ارنالىپ وتىر.

فورۋمدا قازاقستاندىق عالىمدارمەن بىرگە ەۋروپا، ازيا مەن امەريكا قۇرلىعىنىڭ 21 ەلىنەن 250 گە جۋىق تانىمال عالىمدار مەن بەلگىلى مەملەكەت، قوعام قايراتكەرلەرى قاتىسۋدا.

جيىن بارىسىندا ق ر ءبىلىم جانە عىلىم ءمينيسترى اسحات ايماعامبەتوۆ پرەزيدەنت قاسىم-جومارت توقايەۆتىڭ فورۋمعا قاتىسۋشىلارعا قۇتتىقتاۋ حاتىن وقىپ بەردى.

«ۇلى دالا - ەۋرازيا كەڭىستىگىن مىڭداعان جىلدار بويى مەكەندەگەن حالىقتاردىڭ تاريحي شەجىرەسىنىڭ كۋاسى. باتىس پەن شىعىس وركەنيەتتەرىن توعىستىراتىن ۇندەستىك پەن ۇيلەسىمنىڭ بەسىگى. ۇلى دالا كەڭىستىگىندە وركەنيەتتىڭ گۇلى ەرتە بۇرشىك جارىپ، زامانالار بەدەرىنە، كۇللى جاھاننىڭ يگىلىگىنە اينالعان قۇندىلىقتار تولاسسىز جاڭعىرىپ وتىرعان.

سوندىقتان، بۇگىنگى فورۋمدا تالقىلاناتىن تاقىرىپتاردىڭ اۋقىمى كەڭ، ماعىناسى تەرەڭ، بولاشاق ۇرپاق ءۇشىن تاعىلىمى بولارىنا كامىل سەنەمىن. ەلباسى نۇرسۇلتان ءابىش ۇلى نازاربايەۆتىڭ «ۇلى دالانىڭ جەتى قىرى» باعدارلامالىق ماقالاسىندا ايتىلعان ادامزاتتىڭ رۋحاني كەمەلدەنۋىنە تىڭ سەرپىن بەرەتىن قۇندىلىقتاردى زەردەلەۋگە، جاڭاشا پايىمداۋعا بۇگىنگى فورۋم زور مۇمكىندىك بەرەرى ءسوزسىز.

جاھاندىق سىن-قاتەرلەر مەن قازىرگى زاماننىڭ كۇردەلى ۇدەرىستەرىن پاراساتپەن جەڭۋگە، كەمەلدىك پەن مەيىرباندىقتى دارىپتەۋگە گۋمانيتارلىق سالانىڭ قوساتىن ۇلەسى شەكسىز. حالىقارالىق تۇركى اكادەمياسىنىڭ باستاماسىمەن داستۇرگە اينالعان بۇل فورۋم عىلىمي ينتەگراتسياعا تىڭ سەرپىن بەرەدى. اشىق پىكىر الماسۋلار مەن ساليقالى ساراپتامالار تۇركىتانۋ عىلىمىنا زور ۇلەس قوسادى دەپ سەنەمىن. فورۋم جۇمىسىنا ساتتىلىك تىلەيمىن»، - دەلىنگەن پرەزيدەنتتىڭ قۇتتىقتاۋىندا.

فورۋمعا ءبىلىم جانە عىلىم ءمينيسترى اسحات ايماعامبەتوۆ، ق ح ا ءتوراعاسىنىڭ ورىنباسارى جانسەيىت تۇيمەبايەۆ، موڭعوليانىڭ تۇڭعىش پرەزيدەنتى پۋنسالمااگين وچيربات، ازەربايجان رەسپۋبليكاسىنىڭ تۇڭعىش پرەمەر-ءمينيسترى گاسان گاسانوۆ، قىرعىز رەسپۋبليكاسى پرەزيدەنتىنىڭ كومەكشىسى سۋلتان رايەۆ، قىرعىز رەسپۋبليكاسى جوعارعى كەڭەسىنىڭ تۇڭعىش ءتوراعاسى مەدەتكان شەريمكۋلوۆ قاتىسۋدا.

«قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» ماقالاسىندا تۇركى الەمىنىڭ گەنەزيسى، تۇركى وركەنيەتى، ەۋرازيا كەڭىستىگىندەگى ۇلى دالاداعى تۇركى حالىقتارىنىڭ ادامزات وركەنيەتىنە قوسقان ۇلەسى، العاش رەت جىلقىنى قولعا ۇيرەتىپ، تەمىردى يگەرگەنى جايلى جازىلعان بولاتىن. ارنايى جيىن وتكىزۋ جونىندە تاپسىرما بولعان. سوندىقتان، ءبىز بيىلعى فورۋمدى وسى تاقىرىپتى تالقىلاۋعا ارناپ، «تۇركى وركەنيەتى: ءتۇپ تامىرىنان قازىرگى زامانعا دەيىن» دەپ اتاپ وتىرمىز»، - دەدى حالىقارالىق تۇركى اكادەمياسىنىڭ پرەزيدەنتى دارحان قىدىرالى.

فورۋم «تۇركى مەملەكەتتىگىنىڭ قالىپتاسۋ مەن دامۋ تاريحى»، «ۇلى دالا وركەنيەتى جانە الەمدىك مادەنيەتكە قوسقان ۇلەسى»، «تۇركى الەمىنىڭ ادەبيەتى مەن فولكلورتانۋىنداعى وزەكتى ماسەلەلەر»، «تۇركى الەمىنىڭ ەتنومادەني ەرەكشەلىكتەرى»، «قازىرگى تۇركىتانۋ: جاڭا كوزقاراستار مەن تاسىلدەر» جانە ەۋرازياداعى ينتەگراتسيالىق ۇردىستەر: كەڭىستىك پەن ۋاقىتتىڭ كوكجيەكتەرى» اتتى 6 تاقىرىپتىق سەكسياعا بولىنگەن.

سوڭعى جاڭالىقتار