فوتوشوپپەن وڭدەلگەن سۋرەتتەردى انىقتايتىن جۇيە جاسالدى
اقپاراتتا ايتىلعانداي، بۇل جۇيەنىڭ دالدىگى - 99 پايىز.
«عالىمدار سۋرەتتەردى وزگەرتۋ تەحنولوگيالارىنىڭ جىلدام دامىپ جاتقانىنا الاڭداۋشىلىق ءبىلدىرىپ جۇرگەنىنە بىرنەشە جىل بولدى. مىسالى، بىلتىر MIT ينجەنەرلەرى سۋرەتتەگى وبەكتىلەردى تانيتىن نەيروجۇيە جاساپ شىعارعان ەدى. سونىمەن قاتار پورترەتتەردى قىسقا ۆيدەوعا اينالدىراتىن الگوريتم دە جاسالعان بولاتىن. ەندى Adobe ماماندارى وزگەرتىلگەن سۋرەتتەردى انىقتاۋعا مۇمكىندىك بەردى. ازىرگە ولار Photoshop باعدارلاماسىندا Face Aware Liquify قۇرالىنا قاتىستى زەرىستەردى انىقتايتىن جۇيە جاساپ شىعاردى. بۇل قۇرال كوبىنە بەتتىڭ فورماسىن نەمەسە ميميكانى وزگەرتۋ بارىسىندا ءجيى قولدانىلادى»، دەپ جازادى اۆتور.
ونىڭ ايتۋىنشا، عالىمدار الدىمەن ينتەرنەتتەن مىڭداعان ادامنىڭ پورترەتىن كوشىرىپ العان. ودان كەيىن اتالعان قۇرال ارقىلى سۋرەتتەرگە وزگەرىس ەنگىزىلگەن. ناتيجەسىندە الگوريتم تەك وزگەرتىلگەن سۋرەتتەردى تانىپ قانا قويماي، وزگەرتىلگەن جەرلەردى دە 99 پايىز ناقتىلىقپەن كورسەتىپ بەرگەن.
«ازىرگە نەيروجۇيە تەك ءبىر قۇرالمەن جاسالدى. دەگەنمەن، بۇل زەرتتەۋ - وسى سالاداعى العاشقى قادامداردىڭ ءبىرى»، دەپ جازادى اۆتور.