قاسىم-جومارت توقايەۆ پوليتسيا قىزمەتكەرلەرىن كاسىبي مەرەكەمەن قۇتتىقتادى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ پوليتسيا قىزمەتكەرلەرىن كاسىبي مەرەكەلەرىمەن قۇتتىقتادى، دەپ حابارلايدى قازاقپارات.

«بارلىق پوليتسيا قىزمەتكەرلەرىن كاسىبي مەرەكەلەرىمەن قۇتتىقتايمىن. سىزدەردىڭ جۇمىستارىڭىز قوعامداعى ءتارتىپ پەن قاۋىپسىزدىكتى ساقتاۋعا بايلانىستى، سول سەبەپتى حالىق سىزدەرگە ءۇمىت ارتادى. جۇمىستارىڭىزعا تابىس جانە بەرەكە تىلەيمىن!» - دەپ جازدى مەملەكەت باسشىسى ءوزىنىڭ twitter- دەگى پاراقشاسىندا.

ايتا كەتەيىك، 1992-جىلى 23- ماۋسىمدا ق ر جوعارعى كەڭەسى «قازاقستان رەسپۋبليكاسىنىڭ ىشكى ىستەر ورگاندارى تۋرالى» زاڭ قابىلدادى.

بۇل، قازاقستان پوليتسياسىنىڭ قىزمەتى مەن مىندەتىن ايقىنداعان العاشقى قۇقىقتىق اكت بولدى. 2007-جىلعى 5- ماۋسىمدا ەلباسى نۇرسۇلتان نازاربايەۆتىڭ جارلىعىمەن 23- ماۋسىم پوليتسيا كۇنى بولىپ بەكىتىلدى.