ارالاس جەكپە-جەك: قىتايلىق جانكۇيەرلەر قازاق جىگىتىنىڭ ادىلەتسىز جەڭىلىسىنە نارازى بولدى

None
None
بەيجىڭ. قازاقپارات - 2019 -جىلعى 23- ماۋسىمعا قاراعان تۇندە ارالاس جەكپە- جەكتەن قىتايدىڭ بىرنەشە دۇركىن چەمپيونى جۇمابەك تۇرسىن قازاقستان ازاماتتىعىن العان سوڭ العاش رەت بەيجىڭدەگى «Kunlun Fight» ارەناسىنا شىقتى، دەپ حابارلايدى «قازاقپارات» ح ا ا- نىڭ قىتايداعى مەنشىكتى ءتىلشىسى.

قازاقستاندىق سپورتشى بۇكىل جەكپە- جەك بارىسىندا ياۋ حۋڭگاننان باسىم تۇسكەنى كورىنىپ- اق تۇردى. ءبىراق سوعان قاراماستان ءۇشىنشى راۋندتا جۇمابەكتىڭ اياعى تايىپ كەتكەنىن تورەشىلەردىڭ ءبىرى نوكداۋنعا باعالادى. ءسويتىپ، جالپى 29:28, 29:28, 28-30 ەسەبىندە جۇمابەككە جەڭىلىس جازىلدى.

«مەن ايقاس ناتيجەلەرىمەن كەلىسپەيمىن، ادىلەتسىزدىك بولدى. ونى ارەنادا دا ايتىپ ەدىم» ، - دەيدى جۇمابەك تۇرسىن «قازاقپارات» ح ا ا تىلشىسىنە بەرگەن سۇحباتىندا.

ММА: Қытайлық жанкүйерлер қазақ жігітінің әділетсіз жеңілісіне наразы болды

ارەناعا كەلگەندەر، مما سپورتشىلارى ءۇشىنشى تورەشىنىڭ الگى شەشىمىنە اڭ- تاڭ بولىستى. تورەشىلەردىڭ ادىلەتسىزدىگى ءتىپتى قىتايداعى ينتەرنەت قولدانۋشىلارىنىڭ اراسىندا دا نارازىلىق تۋدىردى.

ММА: Қытайлық жанкүйерлер қазақ жігітінің әділетсіз жеңілісіне наразы болды

«جاۋىنگەرلىك ونەرلەرى الەمى» (Gedou Shijie) موبيلدىك قوسىمشاسىندا «جۇمابەك ارەنانىڭ وزىندە- اق تورەشىلەردىڭ ادىلدىگىن كۇمان استىنا قويدى» اتتى ماقالا جاريالاندى. وندا ءۇش راۋند بويى ياۋ حۋنگان قورعانعانى، قازاقستاندىقتىڭ باسىم بولعانى ايتىلعان. ەسكە سالا كەتەيىك، 10 جىل بۇرىن جۇمابەك ياۋ حۋنگاندى ەكى رەت جەڭىپ، قىتايدىڭ چەمپيونى بولعان.

ММА: Қытайлық жанкүйерлер қазақ жігітінің әділетсіз жеңілісіне наразы болды

 اۆتور: سادىق اقيجانوۆ

سوڭعى جاڭالىقتار