قانات يسلام دومينيكالىق بوكسشىمەن تيتۋل ءۇشىن جۇدىرىقتاسادى

نۇر-سۇلتان. قازاقپارات- قازاقستاندىق كاسىپقوي بوكسشى قانات يسلام (25-0، 20 ك و) الماتىدا وتەتىن جەكپە-جەگىندە دومينيكالىق بوكسشىمەن جۇدىرىقتاسادى، دەپ حابارلايدى قازاقپارات.

«QAZAQ promotions» پروموۋتەرلىك كومپانياسىنىڭ حابارلاۋىنشا، قانات يسلام ەكى جىلدىق ۇزىلىستەن كەيىن ورتا سالماقتاعى WBO Inter- Continental بەلدىگى ءۇشىن جۇدىرىقتاسادى، قارسىلاسى دومينيكالىق جۋليو دە جەسۋس.

ايتا كەتەيىك، جۋلي ودە جەسۋس كاسىبي رينگتە 27 جەكپە-جەك وتكىزىپ، تەك بىرەۋىندە عانا جەڭىلگەن. بۇعان دەيىن حابارلاعانىمىزداي، قانات يسلام 5- شىلدە كۇنى الماتى قالاسىندا رينگكە قايتا ورالادى.

سونداي-اق، بوكس كەشىنە ماديار اشكەيەۆ، ابىلايحان قۇسايىنوۆ، رۋسلان مىرساتايەۆ سىندى قازاقستاندىق بوكسشىلار ونەر كورسەتەدى.

مۇحتار قاليموللا ۇلى