شاڭسورعىش روبوت تىڭشى بولىپ شىعۋى مۇمكىن - الەمدىك باسپا سوزگە شولۋ

None
None
نۇر-سۇلتان. قازاقپارات - «قازاقپارات» ح ا ا ادەتتەگىدەي وقىرمان نازارىنا الەمدىك اقپارات كوزدەرىنە شولۋىن ۇسىنادى.

ادامدار ءجۇز مىڭ جىل بۇرىن دا تاماق پىسىرە العان - Journal of Human Evolution

ШаңсорÒ

كەمبريدج ۋنيۆەرسيتەتىنىڭ عالىمدارى 120 مىڭ جىل بۇرىن ءومىر سۇرگەن ەجەلگى ادامداردىڭ سۇيەكتەرى تابىلعان جەردى زەرتتەي كەلە تۇينەك قالدىقتارىن تاپتى.

زەرتتەۋ تۋرالى ماقالا Journal of Human Evolution جۋرنالىندا جاريالاندى. «ادامنىڭ مي كولەمى اس قورىتۋ جۇيەسىنە بايلانىستى بولاتىنى تۋرالى گيپوتەزا بار. ياعني، اس قورىتۋ جۇيەسى دايىن تاماق باردا ەنەرگيانى ۇنەمدەيدى. زەرتتەۋ اۆتورى سينتيا ءلاربيدىڭ ايتۋىنشا، ارحەولوگتار تاپقان قۋىرىلعان تۇينەكتەر ادام دامۋىنىڭ تاريحى تۋرالى كوپ اقپارات بەرە الادى. بۇل ءادىس ادامدارعا كوشىپ قونۋ كەزىندە ازىق بولعان جانە اعزاعا قاجەتتى اقۋىزداردى بەرگەن»، دەپ جازادى اۆتور.

زەرتتەۋشىلەر وڭتۇستىك افريكا جەرىندەگى كلاسەس وزەنىنىڭ جاعاسىنداعى ۇڭگىرلەردى زەرتتەگەن.

«ۇڭگىرلەردە تاسپەن بىرگە وت قالدىقتارى تابىلدى. سول جەردە عالىمدار قۋىرىلعان تۇينەكتەر تاپقان. بۇلار اعزاعا تەز سىڭەتىن گليۋكوزا كوزى بولعان. ال گليۋكوزا ەنەرگيانى ارتتىراتىنى بەلگىلى. بۇل ديەتا ادام يەۆوليۋتسياسىنىڭ دامۋىنا اسەر ەتۋى مۇمكىن»، دەپ جازادى اۆتور.

جوعالعان ءامياندار ۇنەمى يەسىنە قايتارىلادى - Science

ШаңсорÒ

بۇكىل الەم بويىنشا جوعالعان ءامياندار ۇنەمى يەلەرىنە قايتارىلادى. اسىرەسە، ىشىندە اقشا كوپ بولعان سايىن ونىڭ يەسىنە قايتارىلۋى جيىرەك بولادى. Science جۋرنالىندا جاريالانعان زەرتتەۋ ناتيجەلەرىندە وسىلاي دەلىنگەن.

«ميچيگان ۋنيۆەرسيتەتىنىڭ عالىمدارى 40 مەملەكەتتەگى 355 قالانى زەرتتەگەن. زەرتتەۋ اۆتورلارى تۇرعىنداردىڭ ازاماتتىق ادالدىعىن تەكسەرگىسى كەلگەن. زەرتتەۋشىلەردىڭ كومەكشىلەرى ءامياندارىن ادەيى جوعالتىپ العان. ناتيجەسىندە 17303 «جوعالعان» ءاميان كەرى قايتارىلعان. ءاميان ىشىندە ءۇش ۆيزيتكا، پاتەر كىلتى مەن ازىق تۇلىك ءتىزىمى، اقشا بولعان. جوعالعان ءاميندار ۆيزيتكاداعى مەكەنجايعا قايتارىلعان»، دەپ جازادى اۆتور.

ونىڭ ايتۋىنشا، اقشاسى بار ءاميانداردىڭ %51 اقشا سالىنباعان ءاميانداردىڭ %40 كەرى قايتارىلعان.

جاستاردىڭ كوبى ساياحاتتاعىسى كەلەدى - Focus

ШаңсорÒ

«قازىرگى جاستار باسىمدىق بەرەتىن دۇنيەلەر ولاردىڭ اتا-انالارىنان مۇلدەم وزگەشە. جاڭا زەرتتەۋ ناتيجەلەرى كورسەتكەندەي، جاستاردىڭ كوبى ومىرلىك جوسپاردا ساياحات پەن مانساپتى ءبىرىنشى ورىنعا قوياتىن بولعان»، دەپ جازادى Focus باسىلىمى.

«عالىمداردڭ زەرتتەۋىنە قاتىسقان ادامداردىڭ %77 ولاردىڭ ومىرلىك ماقساتى الەمدى ارالاۋ ەكەنىن ايتقان. سونىمەن قاتار ولاردىڭ %72 ۋاقىتتارىن جۇمىسقا ارنايتىنىن اتاپ وتكەن. ءبىر وكىنىشتىسى، زەرتتەۋگە قاتىسقان جاستاردىڭ جارتىسى بالالى بولۋ نەمەسە وتباسىن قۇرۋ سەكىلدى دۇنيەلەردى كەيىنگە ىسىرىپ قويعان»، دەپ جازادى اۆتور.

شاڭسورعىش روبوت تىڭشى بولىپ شىعۋى مۇمكىن - Frankfurter Rundschau

ШаңсорÒ


«بۇگىنگى تاڭدا «اقىلدى» كومەكشىلەرگە جۇگىنەتىن ادامدار سانى ارتتى. ونىڭ ىشىندە شارۋاشىلىقتا كامەراسى، ميكروفونى مەن ينتەرنەتى بار تەحنيكالاردى پايدالانۋ كەڭ بەلەڭ الدى. ال مۇنداي تەحنولوگيانىڭ قاۋپى تۋرالى ويلانىپ جاتقان جان جوق»، دەپ جازادى نەمىستىڭ Frankfurter Rundschau باسىلىمى.

اۆتوردىڭ جازۋىنشا، دارمشتادت تەحيكالىق ۋنيۆەرسيتەتىنىڭ عالىمدارى شاڭسورعىش روبوتتاردىڭ جۇمىسىنان كەمشىلىك تاپقان.

«پاتەر ىشىندە ەركىن قوزعالىپ جۇرە الاتىن شاڭسورعىش روبوتتاردا كامەرا مەن پاتەر تۋرالى اقپارات جينايتىن قوسىمشا داتچيكتەر بار. قاۋىپسىزدىك جۇيەسىندە عالىمدار انىقتاعان كەمشىلىك قاسكۇنەمدەرگە روبوتتى باسقارىپ الۋعا مۇمكىندىك بەرە الادى. قاسكۇنەمدەر الىستا وتىرىپ تا پاتەر تۋرالى بار مالىمەتتى ءبىلىپ الا الادى»، دەيدى پروفەسسور احماد-رەزا سادەگي.

ونىڭ ايتۋىنشا، جاقىندا عالىمدار فيتنەس بىلەزىكتەردەن دە وسىعان ۇقساس كەمشىلىكتەر تاپقان.

ال فيتنەس بىلەزىكتەر ادامنىڭ دەنساۋلىعى تۋرالى تولىق اقپارات جينايتىندىقتان، بۇل وتە قاۋىپتى بولۋى مۇمكىن.

«عالىمداردىڭ ايتۋىنشا، ا ق ش پەن ەۋروپا قۇرىلعىلارى قاۋىپسىزدىك تالاپتارىنا ساي كەلەدى. ال قىتاي ونىمدەرى كوبىنە تالاپتارعا ساي ەمەس. ءتىپتى، قىتايدا قاۋىپسىزدىككە ينۆەستيتسيا از سالىنادى. جالپى عالىمدار ۇيدە اقىلدى تەحنيكانى كوپ پايدالانباۋعا كەڭەس بەرەدى»، دەپ جازادى باسىلىم.

Facebook كريپتوۆاليۋتاسى راسىمەن ءتيىمدى بولا ما؟ - BBC


ШаңсорÒ

«سوڭعى ون ەكى ايدا فەيسبۋكتىڭ كاليفورنياداعى كەڭسەسىندە ءبىر توپ مامان توپتاسىپ جۇمىس ىستەدى. ولاردىڭ نە ىستەگەنى وسى اپتادا بەلگىلى بولدى»، دەپ جازادى BBC باسىلىمى.

اۆتوردىڭ ايتۋىنشا، وسى اپتادا فەيسبۋك ينتەرنەتتى جاھاندىق ۆاليۋتاعا اينالاتىن Libra اتتى كريپتوۆاليۋتانى تانىستىردى.

«فەيسبۋك وكىلدەرى بۇل كريپتوۆاليۋتا اقشا اۋدارىمى مەن تولەم جاساۋدى وڭايلاتىپ، ارزانداتا تۇسەتىنىن ايتتى. دەگەنمەن، ۆاليۋتانى كىم قاۋىپسىز ەتىپ، بيتكويندارعا ەرىپ كەتپەيىنىنە كىم كەپىل بولادى؟ الاياقتاردىڭ قۇرالىنا اينالماسىنا كىم كەپىل؟ مىنە، تانىستىرىلىم بارىسىندا وسى سۇراقتارعا ماردىمدى جاۋاپ الا المادىق»، دەيدى اۆتور.

«ساراپشىلار جاھاندىق تولەم جۇيەسىنە يننوۆاتسيا كەرەك ەكەنىن مويىندايدى. ءبىراق فەيسبۋك قارجى الەمىندە تۇتىنۋشىلاردى قورعاۋ، نارىقتىڭ تۇتاستىعى سەكىلدى دۇنيەلەر بار ەكەنىن دە ەسكەرۋى كەرەك. فەيسبۋك الەمدە 1,7 ميلليارد ادامنىڭ بانك ەسەپشوتى جوق ەكەنىن جانە ولار تۋىستارىنا اقشا جىبەرە الماي قينالاتىنىن ايتتى. بۇل پروبلەمانى كوپتەگەن تەحنولوگيالىق كومپانيالار شەشۋگە تىرىسۋدا. فەيسبۋك ول ءۇشىن بلوكچەين تەحنولوگياسن پايدالانۋدى ءجون كوردى. دەگەنمەن، جاعداي قالاي بولاتىنىن ۋاقىت كورسەتەدى»، دەپ جازادى باسىلىم.

اۆتور: ايكۇمىس بولاتبەك

سوڭعى جاڭالىقتار