قازاقستاندا ە-شاڭىراق اقپاراتتىق جۇيەسى ەنگىزىلەدى
ول بارلىق تۇرعىن ءۇي قاتىناسىنا قاتىسۋشىلاردىڭ ءوزارا ءىس-ارەكەتىنىڭ اشىقتىعىن قامتاماسىز ەتەدى. تۇرعىن ءۇي-كوممۋنالدىق شارۋاشىلىق سالاسىن رەفورمالاۋ ماقساتىندا ق ر يندۋستريا جانە ينفراقۇرىلىمدىق دامۋ مينيسترلىگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى.
زاڭ جوباسىنىڭ نەگىزگى جاڭالىقتارىنىڭ ءبىرى - ە-شاڭىراق دەپ اتالاتىن شارتتى تۇردەگى اتاۋمەن تۇرعىن ءۇي قورى مەن ت ك ش- نا اقپاراتتىق جۇيەسىن ەنگىزۋ.
«بۇل جۇيەنىڭ تۇجىرىمدامالىق ارحيتەكتۋراسى تۇرعىنداردىڭ، باسقارۋشى كومپانيالاردىڭ، تابيعي مونوپوليالار سۋبەكتىلەرىنىڭ، باسقارۋ ورگاندارىنىڭ، جەرگىلىكتى اتقارۋشى ورگانداردىڭ جەكە كابينەتتەرىن بىرىكتىرەدى. وسىلايشا، ە-شاڭىراق ك ق ت ۇ (كوپقاباتتى تۇرعىن ۇيلەر) باسقارۋ ورگاندارىنىڭ اشىق قىزمەتىن قامتاماسىز ەتەدى، تۇرعىندار شىعىندار مەن كىرىستەر بويىنشا ەسەپتىلىكتى كورە الادى؛ ەلەكتروندى داۋىس بەرۋ ارقىلى ءۇيدى باسقارۋ جانە ۇستاۋ بويىنشا شەشىم قابىلداي الادى. سونداي-اق، ۇيگە قىزمەت كورسەتۋ بويىنشا ەلەكتروندىق ءوتىنىش (شاعىم، حابارلاما جانە تاعى باسقا) بەرە الادى جانە ونىڭ ورىندالۋىن قاداعالاي الادى. ە-شاڭىراق الاڭىندا پاتەر يەلەرى قانداي دا ءبىر شەشىم قابىلداۋ كەزىندە داۋىس بەرە الادى، اقشا قاراجاتىنىڭ ءتۇسۋى مەن جۇمسالۋى تۋرالى مالىمەتتەر الادى، باسقارۋ ورگاندارىنان ۋاقىتىلى ەسەپ الادى جانە باسقارۋ ورگانىنىڭ قىزمەتىن باعالاي الادى» دەلىنگەن حابارلامادا.
ءوز كەزەگىندە بۇل جۇيە كوندومينيۋم وبەكتىسىن باسقارۋ ورگاندارىنا تۇرعىنداردىڭ بارلىق سۇراقتارىنا، شاعىمدارى مەن ۇسىنىستارىنا ۋاقتىلى جاۋاپ بەرۋگە، تۇرعىنداردىڭ جالپى جينالىسىن وتكىزبەي ەلەكتروندى داۋىس بەرۋدى وتكىزۋگە، اقشا قاراجاتىنىڭ ءتۇسۋى مەن جۇمسالۋى تۋرالى دەرەكتەردى، سونداي-اق توقساندىق جانە قورىتىندى ەسەپتەردى ورنالاستىرۋعا، تۇرعىنداردى باسقارۋ ورگانىنىڭ جوسپارلانعان، وتكىزىلەتىن جانە وتكىزىلگەن جۇمىستارى تۋرالى حاباردار ەتۋگە مۇمكىندىك بەرەدى.
«ءوز تاراپىنان مەملەكەتتىك ورگاندار سونداي-اق ە-شاڭىراق جۇيەسىندە ك ق ت ۇ باسقارۋ ورگانىنىڭ قىزمەتىنە باعالاۋ جۇرگىزە الادى، اقشا تۇسىمدەرى مەن شىعىستارىنا مونيتورينگ جۇرگىزە الادى، جوسپارلانعان ءىس-شارالار، كەڭەستەر، دوڭگەلەك ۇستەلدەر، كونفەرەنتسيالار تۋرالى باسقارۋ ورگاندارىنا حابارلاي الادى» دەپ ءمالىم ەتتى ي ي د م باسپا ءسوز قىزمەتى.
ەستەرىڭىزگە سالا كەتەيىك، 19- ماۋسىمدا ت ك ش سالاسىن رەفورمالاۋ ءۇشىن ق ر ي ي د م ازىرلەگەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ماجىلىستە ماقۇلداندى. زاڭعا ەنگىزىلگەن تۇزەتۋلەر سەناتتا قاراستىرىلۋدا.