قازاقستاندىق دزيۋدوشى ەۋروپا كۋبوگىندا جۇلدەگەر اتاندى

نۇر-سۇلتان. قازاقپارات - قازاقستاندىق نۇرزات سالىمبايەۆ ماجارستاننىڭ پاكس قالاسىندا دزيۋدودان جاستار اراسىندا ءوتىپ جاتقان ەۋروپا كۋبوگى جارىسىندا قولا جۇلدەگەر اتاندى، دەپ حابارلايدى قازاقپارات ءتىلشىسى.

قازاقستان دزيۋدو فەدەراتسياسى ءمالىم ەتكەندەي، اتالمىش دوداعا 27 ەلدەن 413 سپورتشى قاتىسۋدا.

جارىستىڭ العاشقى كۇنى 66 كەلى سالماقتا كۇرەسكەن ن. سالىمبايەۆ جۇلدەگە ىلىكتى. ول جۇبانىش فينالىندا چەحيالىق جان سۆوبودانى تازا جەڭدى. سونداي-اق قازاقستاندىق جاس تاتامي شەبەرلەرى جاناسىل ءانۋاروۆ (73 كەلى) پەن ءمولدىر نارىنوۆا (70 كەلى) تۋرنيردى بەسىنشى ورىنمەن اياقتادى.

ەۋروپا كۋبوگى جەكسەنى كۇنى مارەگە جەتەدى.